منتديات سبيع الغلباء - نقايض الرياحي والقاضي

[size=4]السلام عليكم ورحمة الله وبركاته
بع غياب طويل اعود لكم
مع تاسفي لكم عن التاخير الخارج عن ارادتي
واليكم هذه المشاركه

كنت انا والشاعر ناصر بن نهار القاضي العتيبي
من ظمن المشاركين في منتدى جدة الادبي الشعبي
وفي احد الايام ارسلت له قصيدة تلتها قصائد بيني وبينه
وهذه اول قصيدة ارسلتها له[/size]

[poem=font="Simplified Arabic,5,white,normal,normal" bkcolor="transparent" bkimage="backgrounds/3.gif" border="none,4,gray" type=2 line=0 align=center use=ex num="0,black"]
البارحه جتني هواجيسي اصناف= والنوم عن عيني غدا في مغيبه
وجلست وحدي ساهراً وانظم القاف= اكب مخط القول واخذ مصيبه
واختص في قولي من الناس عراف= حراً تسلسل منسبه من عتيبه
ياناصر القاضي بابين لك اوصاف= اشيا على شرواك ماهي صعيبه
قلبك لزينات التماثيل ميلاف= تشفق على زين الكلام وتجيبه
انشدك وش بنتٍ على جال مهياف= يركب ولدها فوقها وتعديبه
وعن اربعه حطوهم ارباع وانصاف= بعد ان ذبحهم رجل ذبحه غريبه
ولما دعاهم جوه ما فيهم اخلاف=عاشوا بعد ماتوا بساعه قريبه
وشيخاً يحب العدل ويحب الانصاف= الياحكم بالحكم كلاً رضيبه
ورجال تخضع له سلاطين واشراف= واللي يبا طيبه عليه تعذيبه
وثنين منهم ترتعد كل الاطراف= لاجوك ما تلقا حداً تلتجيبه
عطني خبر ما قلت لا تصير زهاف= انا اعرفك رامي تصيب الضريبه
ما قصد بما قلته تحدي وكلاف =قصدي مراسلت الرجال العريبه
الطيب اللي يحتمي كل ميقاف= اقدره واحشمه واقتديبه
واللا الضعيف اللي للاسرار كشاف= ماهوب صاحب لي ولاني صحيبه
واخر كلامي عد من في الحرم طاف= صلوا على اللي هجرته لارض طيبه[/poem]

[size=4]فرد الشاعر ناصر حيث قال[/size]

[poem=font="Simplified Arabic,5,white,normal,normal" bkcolor="transparent" bkimage="backgrounds/3.gif" border="none,4,gray" type=2 line=0 align=center use=ex num="0,black"]
عد النجوم وعد بارق وهتاف= وعداد مازاور قريباً قريبه
وعداد من يسكن مدنها والارياف= حييت ياخط الرجال اللبيبه
قوماً لهم بالمجد منزل وميقاف= جزلين الاريا والمذاهب عريبه
من صلب باقم ما تناموا بالاحلاف= اهل اللوازم مدركين الكسيبه
رجالهم ينطح طوابير ما خاف = اليا زما جمع الحريب الحريبه
والشعر ياطامي مواقيف واهداف = والكيف توخذ صفوته عن سريبه
واليوم من بعض الدعبيل ينعاف=ما يودع الرجال يضهر حضيبه
ياطالباً مني مراديد واسعاف= تشكي وراسي بان للناس شيبه
من ذاء الزمان اللي غرابيل وجحاف=والشعر عند موقرينه وطيبه
يسحب ومعترضه ثمانين حذاف=ناساً تغني به وناساً تعيبه
هذاء الصحيح وحل الالغاز ماطاف= ياصامل الهمه ذراء من عديبه
البنت يامروي شبا كل مرهاف= هي المحاله والرشاء في قليبه
والاربعه يامعتلي كل مشراف=طيور من يطلب وليه يثيبه
وأمن بعد ماجات تسعى بالاطراف=بقدرت الخلاق مافيه ريبه
والشيخ ميزان البشر طول الاسلاف=في كل سوقاً يالرياحي شريبه
والرجل كان انك حكيماً وصراف= النوم وانته كيف هذاء تجيبه
وان قلت حلاقاً بحلق الشعر ناف= اقول صح وسالفتكم عجيبه
واما الثنين اللي حبيبين واولاف= هو الكبر والموت والكذب خيبه
وعداد من يقراء تبارك والاحقاف= صلوا على مرسول ربه حبيبه[/poem]

[size=4]ثم عقبت على قصيدة الشاعر ناصر بهذه القصيدة[/size]

[poem=font="Simplified Arabic,5,white,normal,normal" bkcolor="transparent" bkimage="backgrounds/3.gif" border="none,4,gray" type=2 line=0 align=center use=ex num="0,black"]
يامرحبا بكتاب من يقر الاضياف= الحر حلال العقود التعيبه
من رووس قوماً يوم الارياق نشاف= يروون حد المرهفات العطيبه
عتبان اهل قاله وميقاف ينشاف= وروسٍ على طول الليالي صليبه
اديت واجب ما حصل نقص وخلاف= وفتحت موضوع الادب وانت اديبه
وحركت هماً ساكناً بين الالجاف= وخليت قلبي يظهر اسرار غيبه
تقول تنوي لك عن الشعر منكاف= من يوم جهاله بقت تدعيبه
شعر النبط ياناصر اسنينه اعجاف= والناس كلٍ من جهته يعديبه
تناوشوه الربع رامي وحواف=صكوا عليه وشينوا له نصيبه
والشعر له معنى ومغنى وصراف=يبغى الذي لاصرفه يعتنيبه
ينقاه نقي اللول من وسط الاصداف=ويجنبه عن كل شياً يعيبه
ماهوب يجمع وزنه اثقال وخفاف= شطراً يسنع به وشطر يغديبه
والشعر مثل السيف في كف سياف= لاحدته بعض الامور يغزيبه
وحكمة وموعضةٍ كما نور كشاف= كم ظايعاً نور الادب يهتديبه[/poem]

[size=4]وضمنت القصيدة رساله خطيه شكرت الاخ ناصر فيها
وبينت له ان فيه احد الالغاز لم يتوصل الى حله الصحيح وعلمته بحله

وبعد ذلك زعل ناصر القاضي وغير القافيه
وارسل قصيدة اخرى وصمنها بعض الالغاز وقمت بالر عليه
سوف اوردها في موضوع اخر بعدين ان شاء الله[/size]