منتديات سبيع الغلباء - قصيده الشاعر// محمد عبدالله البحيح

هاذى قصيدة رد لشاعر / محمد عبدالله البحيح الشماسى على قصيدة مسنده اليه من الشاعر / فارس شالح الشماسى طول الله في عمارهم

(((( ولايحضرنى الا جزء من قصيدة الشاعر/ فارس الشماسى ))))

وللمعلوميه ندى أو لقب " الشاعر // مــحــمـــد البــــحيــــح *

في اجهزت الكنود المعروفه < طــــــــــالـب الغـفــران>

[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ياطالب الغفران عننك النوق=وخلاً حالك مثل حال النعامه
قدامها تمشى تسوق الفحل سوق=وتعبت نفسك بين نجد وتهامه
ذودك مغاتير كما لون غرنوق= يرعى الرقاش وداس عشب الثمامه
يامعرب الجدين رزق الفتى فوق= ارفق بحالك لاتكسر عظامه
أظن قلبك عارض البدو مسروق= وشنت لاقى يوم ترقى العدامه
خليت غرساً صافى الون بعذوق= ياماحلا في القيض لجت حمامه[/poem]
(((((((((((( وهى اطول من كذا )))))))))))))

وهــــــــــــــذا رد القـــــــصــــــــيــــده:
[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
البارحه عديت في راس صعفوق= وحل لى حبل قوى أبترامه
أظيق مع بدع المقاريع واروق= وخاف من بيت يخاطى نظامه
أفتح لها صندوق وصك صندوق=كنى مضيع لى جواز وأقامه
أفتش أوراقى على دق ورفوق= وكثيرها رميتبه في القمامه
أخاف يلحقني من الرب ملحوق= وأنا المريض الى فرح بسلامه
وكان الجهل خذني على جهل منطوق= فاليوم أنا ياحسرتي والندامه
ولا فيه معصوم عن الجهل والبوق= الارسولاً عزز الله مقامه
والبل نتابعها برقان وعروق= وبعيد عن هرج القفى والنمامه
ولا جر نواًبوله رعد وبروق= شمال وقريب على أول وسامه
ونبت الخظار ونبت للقشع ذعلوق=ومن الندى يصبح على الارض غامه
والولى توه له سبوع مدفوق= منه الجبل سايل ومليً اعجامه
وقفت وايتهابخطوات مشقوق=خلفى جبل والعرق قدمى أرثامه
وشبيت ضوى وأشقر البن مدقوق=بأرض دماث ولدبق فيه زامه
والله ماقلد حكم حسنى وفاروق= هوه هوى قلبى وغايت مرامه
وأهل المزارع تاخذ اطاق مطبوق=طال النكاز وقرب منها حطامه
ولا هوب حادر غرسنا يتبع النوق=ولاهوب ماشى لاركبنا المسامه
خله وتلقى من الحساء تمر جالوق=تملر الخلاص الى لذيذ طعامه
وأنته يا أبو شالح ترى رجل ماثوق=لاكن قلبك سابح في غرامه
شايب وقلبك من هوى البيض محروق=وعقب التمس قلبك تفكك لحامه
ولاصار عمرك حول سبعين ويتوق=وشعاد في أكتابك نهار القيامه
أرجع لربك وكل مطرود ملحوق= وشوف النهار وخل عنك ظلامه[/poem]