منتديات سبيع الغلباء - قصيده با الحروف المهمله غير المنقطه

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
على صدا ماوصل للـرد سـار المـداد=وسطر على اسطار مرسال صداه الردود
رسم على الطرس حاو للعلـوم الوكـاد=احساس راع الهوى والسر لاع السـدود
سلام سـلام لـك مـرّه ومـره معـادعداد= ماهل وامطر ماطـر لـه رعـود
واسمع كلام الصراحه والعلوم السـداد=مالك ومال الصراع وكـل هـم كمـود
مادام سالـم ولا للـود حولـك مـراد=ماحدك الله على دعواه واسلـم و عـود
راع الموده ولو روحه طواهـا الـوداد=عوّد لحلم الهوى لو كان حلمه صـدود
حلم الهوى دوم سلمـه للمـوده لهـاد=همٍّ لهـد مولـع لاعـه مـودٍ لهـود
ماللمولع سعـاده لـو طمـح للسعـاد=مهما حلم للامل حلمه محـال الـورود
حلمه على كل مدلا لو علا معـه عـاد=ماطال عالٍ ولا له لو طمح له صعـود
حلمه كما حلم رامٍ حط حولـه رصـاد=كود المها لا وصل لحماه صاده رصـود
مـار المهـا مارماهـا رام ودٍ وصـاد=دام المها لا رمى للسهم صـاد الاسـود
علمٍ وكاد وحصل من عهد هودٍ وعـاد=مصادره رسمها مع عصر عادٍ وهـود
عهدٍ طواه الدهـر مـع أرم ام العمـاد=سار الاوادم مساره كل صمـدا صمـود
اعوام وادهور للعالـم مسالـك طـراد=للوصل سـرداد مـردادٍ لوهـمٍ طـرود
ماحد حصل له وصال ودام وصله وساد=ولا حد محى هم ود راس ماله وعـود
راع الهوى لو سعى مسعاه ماله حمـاد=طرّاد لمعٍ كسى الصحـرا مـراده ورود
حاله كما حال راع السلعـه ام الكسـاد=ما حدها الا على مر الكسـاد محـدود
حصاد محصول كـدّاد سعـى للحصـاد=طوى حلومه عطال المروحه والعمـود
طوى حلومه وهو طامع لوصل السـداد=لو سدده سلمه وصله وعـاد محمـود
راع الهوى لو طلع مسرور ساعه معاد=كامل سروره هموم طول عمره مـدود
لو طال عمره طواه وراح سهر وكمـاد=لو هو صمد للصمود المر لاطول حـدود
سم المولع سهومه كل روسـه حـداد=مرمى السهم لا لحم للصدر مرمى سكود
مسار سمه مسار الـدم صـدر او وراد=للاورده مسلكـه مسلـك عـدوٍ لـدود
هـدّام دار السعـد لـداد راع الـهـداد=لو كل ساعه وطاره للمصـاد مهـدود
واسلم ودم والعلوم الوارده لـك حمـاد=ما احطها لك على مسلك حمد او حمود
والوعد عهدٍ و وعد الحر مالـه سـداد=الا وهو مدرك اوعاد الحـرار العهـود
واكمل سلام المسلّم لك سلامـه عـداد=ماهـل همـال رعـاد مـلا للسـدود
=================
محمد عبدالرحمن ابونيان الحربي [/poem]