من قصيدة عبد ابن هذال المعروفة
امس الضحى عديت في راس مزموم=تـومـي بــي الاريــاح شــرق وشـــامي
مــا كــر حــرار مــا يـركـن بــه الـبـوم=كـود العـقـاب الصيـرمـي والقطـامـي
ابكـي هلـي يـا نـاس مـا نيـب مليـوم=واظـــن مـــن يـبـكـي هـلــه مـايــلامي
ما هـو غلـى غـرو مـن الـدق ماشـوم=عـلــى الـشـيـوخ متيـهـيـن الـجـهــامي
من طـاوع الثنتيـن يصبـر علـى اللـوم=يصبـر عـلـى فــرق الاهــل والعـمـامي
هــاذي مـرابـط خيلـهـم دايــم الــدوم=حـقـب العـيـون مروبـعـات الـهـوامـي
يـركـب عليـهـن باللـقـا كــل شغـمـوم=مـن ربعـي اللـي مـا وطـوا بـا لـمـلامي
هــذا مـشـب الـنـار والـحـفـر مـثـلـوم=ومـركـا الـــدلال المتـعـبـات الـشــوامي
علمي بهم شدوا من الوادي ابـو دوم=مستجـنـبـيـن مـطـيــرات الـعــســامي
تـنـحـروا واد بـــه الـعـشـب كـيـهــوم=تسمـن بـه المعـزى وهـدف السـنـامي
وادنــى منازلـهـم حـشـاش ولـمـلـوم=واقــصــى مـنـازلـهـم وادي الـنـعــامي
واقفـوا كمـا طيـر قلـب راسـه الحـوم=هيـفـيـة مـــا يــنــدرى ويــــن حــــامي