[poet font="Simplified Arabic,4,black,bold,italic" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
السلام عليكم ورحمة الله وبركاته
قصيده لشاعر محمد بن براك المطيري وموجه لشاعر ثامر بن قطيم السبيعي
واليكم القصيده الموجه وردها
[/poet]
[poet font="Simplified Arabic,4,black,bold,italic" bkcolor="transparent" bkimage="backgrounds/8.gif" border="none,4,gray" type=0 line=200% align=center use=ex length=0 char="" num="0,black" filter=""]
صيحةٍ في قفى ذيب
يابو محمد لو ماأخذنا تجاريب = فأيامنا ضعناورحنابيدها
ولوماعتبرنامن التجارب تعاجيب = كم من جمالة عند نذلٍ جحدها
واللي مايجهل مخطي الهرج ومصيب = إلا وله يعرف وش اللي بعدها
لو الليالي سر مفهومها صعيب = تعقد ويامصعب تفكك عقدها
خصٍ على اللي ينطحون المواجيب = واللي يحب الطاله امر وادها
من لايقاومها تحدربه شعيب = تعطيه ضربة قاضيه مابعدها
وتذبه للي مابعد خلق تأديب = من غيرها ومنها الرجوله فقدها
والطيب يبغى من يعد المراقيب = وحمد المساعي من مشاها حمدها
مايدخله شك ولايدخله ريب = لو الليالي تشبعه من نكدها
نفسه يجنبها عن الذل تجنيب = وترى البنايه ساسها من عمدها
ومن لاسلم لا ذل في ذلته عيب = إليا بغاله حاجةٍ ماوجدها
واللي ورد حوض المنايا الياهيب = بير الراوي تقطع ضمى من وردها
العز مايبغى قريب محاضيب = اليازرعها اليوم بكره حصدها
وصاحو عليه وصحيةٍ في قفى ذيب = وأتلى العهد بجنازته في لحدها
ويابو محمد ياحصان الأطاليب = من لا نقد دنيا الشقى مافقدها
أفلاكها تفتر فر الدواليب = سحاببٍ يسبق مطرها رعدها
ومنها يشيب اللي ماجى حزة الشيب = لو واعدت لابد تخلف وعدها
ولاغير ربي يعلم السر والغيب = اللي خطاياالناس محصٍ عددها
الشاعر / محمد بن براك المطيري
[/poet]
[poet font="Simplified Arabic,4,black,bold,italic" bkcolor="transparent" bkimage="backgrounds/8.gif" border="none,4,gray" type=0 line=200% align=center use=ex length=0 char="" num="0,black" filter=""]
جزل القصايد
سرياقلم بالحبر وكتب بترتيب = الفكر هاضني ومل عيني سهدها
خطٍ لفاني هذب النفس تهذيب = أبعد شقى نفسي وقرب سعدها
وفرحتبه والقلب حياه ترحيب = من شاعرٍ جزل القصايد جردها
راع الوفا والطيب ومرافقه طيب = نسل الحرار اللي ينومس هددها
وقام الضمير يودي العلم ويجيب = في بحور شعرٍ تنقد اللي نقدها
نوادرٍ ماتنعسف للواعيب = ياكود للي كل حاله رصدها
واعي فكر مافيه نقص وعذاريب = حرٍ رفيعات المعالي قصدها
وعلى كلامٍ قال مافيه تعقيب = لا كن يالهاجوس كلمته زدها
واجب ولطيب كرامه وتوجيب = واللي تبي رد الإفادات فدها
يامحمد الدنيا تراها عواقيب = كم ناسٍ تعطيها وناسٍ تحسدها
وتضرب بشلفاْ مثل شلفى تراحيب = وقومٍ تصبحها وقومٍ تهجدها
ويومٍ برادٍ ويومٍ حر ولواهيب = ويومٍ مشاكها عليك تحشدها
ويومٍ تسيد لك بزين الأساليب = ويومٍ عمى عينك وسبة رمدها
ويومٍ تشيل سيوفها والمشاعيب = ويومٍ سحايبها تنثر بردها
وكم من جماله عند شاذب عراقيب = اليا نشد عنها يحاول لددها
قصير حبل ولا يورد مشاريب = وش عاد لو جاب العلوم وسردها
لا تلتفتله كب ذيخ المغاريب = روحن خبيثه والعفن في جسدها
والبيت ثبتله عمود ومناسيب = وعاهد رجال الطيب وأخذ بعهدها
الشاعر / ثامر بن قطيم السبيعي
[/poet]
[poet font="Simplified Arabic,4,black,bold,italic" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
وتقبلوووو تحياااااتي لكم جميعاْ
[/poet]