رد : قصيد لشاعر جبر ابن ربيع ابن غبيشان
كُتب : [ 12 - 09 - 2007 ]
قصيده رائعه ياجبر وصح لسانك وأستميحك عذراً على تعديل بعض الاخطاء الاملائية
سـلام منـي للرفيـق الموالـي=اللي على طول الزمن ما تناسـاه
سلـم عليـه عداد منشي الخيالـي=وعداد مايرعـد ويبـرق بمنشـاه
رجلٍ ولد رجلٍ علومه جزالي=يالله عسـى هـم الليـالي يتعـداه
محمد اللي طول وقتـه صفالـي=يمنحك طيبه لو تحده على اقصاه
في خوته ماشفت كود الكمالـي=واللي رفع سبع وبسط سبع ما أنساه
وهذا كلامٍ صـدق ماهو يقالـي=بالكذب والخدعه وقول المراعـاه
ما أوفيت حقه لو يجي له مجالـي=بالمدح أقصر لو بامدح مزايـاه
أنا اشهد انه من قروم العيالـي=حر على طول الزمن من تهقواه
جبر تكلم عـن رجـال المعالـي=ماني بكاذب لو يطـول بفرقـاه
وانا غبيشاني واكـب الهزالـي=اصوغ شعرٍ لـك تبيـن بمعنـاه
من آلاد صامل مطوعين الرجالي=كم شيخ قومٍ قد قطعنـاه دنيـاه
من جرب الخوه وشد الرحالـي=يسوي اكثـر لو زمانـه تحـداه
واخر كلام وخاطري باجتوالـي=بلـغ تحياتـي وكـب المعانـاه
وقله ترى انه مايفـارق خيالـي=أمدحه بالقيفان من طيـب مجنـاه
|