قصيده القاها الشاعر حسن محمد هادي بن بطيحه الدوسري بمناسبة حضوره الملتقى الثقافي لقبيلة المجامعه الذي اقيم خلال اقامة مزاين ابل قبايل سبيع وقد قام احد اعيان قبيلة المجامعه بتقديم هدية للشاعر على هذه القصيده
الدعـوة اللـي لفتنـي مــن قبيـلـة سبـيـع = دعوة شرف وافتخرفيها واماريبها
لبيتهـا دايركـت وجـيـت عجـلـن سـريـع = فرصة تمنيتها والله جانيبها
احبـهـم والمحـبـه مــن العلـيـم السـمـيـع =اللابة اللي تنومس في تراحيبها
وفي حفلكم والمزاين زان عرضن وبيع =ومن طيبكم جيت اشارك في مواجيبها
وشلون ماطرب بشوف الطيبين الصنيـع =مانيب شاعر اذا ماجيت اغنيبها
ســلام يـاهـل المـراجـل والمـقـام الرفـيـع =تحية تشمل الحضار نبديبها
فــي مدحـكـم بتخـيـر كـــل بـيــت بـديــع =قصيدة تقنع السامع ويحكيبها
يااهل الثـلاث العجايـب مشبعيـن الجويـع =يااهل الثلاث العجايب مشبعين الجويع
يـاروس قـوم تطـوع راس مـن لا يطيـع = كم طوعو لابتن تفتل اشنابها
ياقمـة المجـد والتاريـخ الابيـض نصـيـع = تاريخ يشرف العزوه واقاريبها
انتو هل الخيل في اليوم العبوس الشنيـع = لاشبت الحرب ماتخشو مشاهيبها
وانتو خوي الخـوي لامـن لحقـه الهزيـع =وانتو زهابه الياخليت مزاهيبها
غـلابـه يـاهـل الغلـبـا وحـصـنـن مـنـيـع =قبيلة جمل الله كل اساليبها
كسابـة المـدح شيبـان وشبـاب ورضـيـع =ماجبت شي جديد قلت ياطيبها
بافـعـال رزت بيارقـهـا عـلـى كــل ريــع =وعلوم سارت مع الركبان تمشيبها
قـد قالهـا كويـر بـن راشـد مثـل للجمـيـع =علم الحيا وطيبين الذكر ندريبها
هــذا مـثـل شاعرمـنـكـم رواتـــه تـذيــع =معناه في كل حين ان حل طاريبها
ياهـل الجهـام المتيـه فـي الزمـان المنيـع =يوم الليالي القديمه عاوين ذيبها
تمـشـي عـلـى شفـهـا ماقرعوهاالـقـريـع =وتسهج مضاريب لو ماهي مضاريبها
بحفـظ ربـي وحفـظ اوسومـهـا ماتضـيـع =يهابها الطامع ويخشى من عواقيبها
أي والله انـكـم ذراهـــا لاتـمـنـت وديـــع =لحنت الفاطر اللي شامخ نيبها
حمر النعم راس مـال وعزوتـن للشجيـع =ياخير من ساقها واطيب معازيبها
لوالزمـان اختلـف فـي وقــت والا ربـيـع =ماترخص بعين رجال يهذريبها
واليوم من فضـل ربـي مدهـا مـن وسيـع =من حب عشاقها يرهي مطاليبها
وباقي القبايل بدون قصور ضلعن ضليع =من غير ذكر اسمها تعرف مكاسيبها
قلتـه ونـا دوسـري والاسـم هــذا شفـيـع =معروف في شرق نجد وفي مغاريبها
والـراس زايــد خـذاهـا بـالـذراع البتـيـع = والزايديه علوم الطيب تحريبها
ودعانـي لـه مـع الجـدي المسمـى طلـيـع =يبين بالوقت لغثرب مشاريبها
مـنـا ثـمـان السـوالـف ولـعـتـن للـولـيـع = ياللي تحب السوالف انشد اديبها
والشعر فينا مـن المعبـود وزعـت وزيـع =ذروة سنام المعاني من مجاذيبها
جيـت اتمثـل وامثلهـم علـى اطيـب بقيـع =والطيبه بارك الله من هو ايجيبها
والدعـوه اللـي لفتنـي مـن قبيلـة سبـيـع = دعوة شرف وافتخر فيها واماريبها