[عبيد ابو شيبه]

اه من عينن بكت حرقت الام السوال=واه من شين تشوفه يهد الفين حيل
لقفت ايام التباشير معها طيب فال =وحال دون الفجر للمنتضر لصبح ليل
ياوجودي وجد شيخن علا جرفن هيال=ريحته عوده وفنجال بن وزنجبيل
فشجاعه ينطح القوم في روس الجبال=وفلكرم عنده شهاده بسم ذباح حيل
ماتو اعياله على خط رنيه فزوال = ولابقاله في حياته سوا ربي معيل
صام عن طعم الفرح من هلال اليا هلال=حابسن دمعت عيونه عساها ماتسيل
صابرن صبرن تفوق علا صبر الجمال=وفي نهايت رحلته تاه ماحصل دليل
المصاب اكبر من الحزن بعيون الرجال =ولانقول الى الله اكبر وهو نعم الوكيل
وحادث الباص المروع جروحن ماتزال=شاهده والخافي اعظم ولايبرا الغليل
يوم صامت صايمه في حرا مذن بلال=افطرت في جنت الخلد كاس السلسبيل
ياولد فيصل زعيم العرب في كل حال=الشجيع الي بوقت القا جاله صهيل
قاد جيش القدس مايعرف الامر المحال=وكل خطوه في حياته حساب الفين ميل
ويوم جا نكسون يحاوره ماعطاه المجال=قال تبغا النفط هذا كلامن مستحيل
وانت خالد دايم السيف طيبك مايزال =راعي الفزعات يوم اعتذر عنها البخيل
كبرت القوله وهي عند غيرك ماتقال =كل يوم ايروح فدوت طريق الموت جيل
سيدي لو شفت هذا تراه اصغر مثال =مابقا في عين محزون للفرحه مقيل
وذاب ورد المزهريه وعنه الضل زال =وختلط صوت الحوادث مع اصوت العويل
حلها ياسيدي وانت حمال الثقال = ومسح ادموع اليتاما عسا عمرك طويل
اه من عينن بكت حرقت الام السوال =واه من شين تشوفه يهد الفين حيل

ارجو التنسيق ءءء