[خيَّال الغلباء]

المشاركة الأصلية كتبت بواسطة ربح السبيعي

يامن يو صل كلامي للاهميه=سري وعاجل لجند الحق وأبطاله
لوكان ماعاد فالموضوع سريه=قولي وكم قايدٍ بسم العرب قاله
ماتوخذ القدس دام أرواحنا حيه=نحمي حمى الدين والا ويش نحياله
لا ياحياة المهونه والمحقريه=أن كان لعبوا على الأبطال حياله
قامو بتمكين الأستيطان جبريه=يبغون محية هوية شعب بأجياله
قالوا تراء صفحتة التاريخ مطويه=قلنا تدور الليالي دور محاله
لابد من ساعةٍ لنصر محسيه=نمهل ولانهمل الموضوع بمهاله
ومقدساتٍ لنصر الدين مبنيه=ارضٍ للسلام مهبط وحي ورساله
هي أرضناء قبل ميلادي وهجريه=قبلة إبراهيم واسماعيل وعياله
مهيب ملك اليهودي والشيوعيه=تكرم عن الشرك والتهويد وأنذاله
الله عطاها من التكريم قدسيه=ماء دنسوها مسيحيه ودجاله
مصيونةٍ في قلوب الناس مخبيه=لمسة طرف ثوبها تزعل هل القاله
إلي رفع قدرها قدره إلاهيه=تصونها هيبة الرحمن وإجلاله
إفتكها عمر من شله حونشيه=واخذوبها الي على نهجه ومنواله
كانت بقوت صلاح الدين محميه=قاهر جنود الصليبيين بأفعاله
واليوم هيمن عليها حكم رجعيه=ثعالب الأنس مكاره ومحتاله
عصابةٍ جمعت من كل جنسيه=شرذمةٍ من سواقط ناس وأحثاله
قد سميو من قديم الوقت عبريه=عبر المحطات رحاله ونزاله
أستوطنو بين ناسٍ تحسن النيه=واثر يهودا بكيل الكيد كياله
تمسكو عصبةٍ في الارض منفيه=تمكنو وافسدوا في الامن بخلاله
أعمالهم في فلسطين العرب سيه=ياناس شيٍ تشيب الروس بأهواله
شعباً تهيمن عليه أحكام عرفيه=البطش والرعب والتخريب بأشكاله
مابين مدفع ودبابه ودوريه=قضيةٍ ساخنه والوضع يرثاله
شوفو وكالة عربسات الفضائيه=كم شخص مقتول والمجروح كم حاله
تكفون يأهل الوفاء حماية الهيه=يازين مقبس فتيل الحرب وأشعاله
من شان تحطيم الأصنام اليهوديه=تدمير صهيون أبن صهيون وأذلاله
لاخاضت المعركه قوه عربيه=أبطال وعيال فرسانٍ وخياله
الحرب مهيب أهازيجٍ دعائيه=تبغا مقامٍ يعز الدين ورجاله
ما عاد للمعتدي فالكبد ماويه=حنا ليا عالوا العيال عياله
ليا تعزوا لنصر الدين جنديه=حنا جنوده وخوض الحرب حناله
ماتؤخذ القدس دام أرواحنا حيه=نحمي حما الدين وألاويش نحياله

أخي الكريم / ربح السبيعي السلام عليكم ورحمة الله وبركاته وبعد : شكرا جزيلا لك على نقل هذه القصيدة التي تنصر إخواننا المجاهدين في فلسطين وصح لسان الشاعر / علي بن ريح السبيعي وجهلها في ميزان حسناته ولا حرمك الأجر ورضي الله عنه عن الخليفة الراشد فاروق الإسلام والمسلمين / أبي حفص عمر بن الخطاب وأرضاه هذا وتقبل فائق الشكر والإمتنان مقرونا بجزيل المحبة والإحترام مع أطيب الأمنيات واسلم وسلم والسلام .