[خيَّال الغلباء]

يا ما حلا الفنجال قصيدة شيخ قبيله العجمان الشيخ / راكان بن فلاح اّل حثلين رحمه الله

يا مـا حلا الفنجـال مـع سيحة البـال
= فــي مـجلسن ما فيــه نفسه ثقيـله

هـذا ولــد عـم وهـــذا ولـد خال
= وهذا رفيق مـا لـقـيـنـا مـثـيلـه

يـا لـيـت رجـال يـبـدل بـرجــال
= ويا ليت فـي بــدلا الـرياجيل حليه

يـا بـو هـــلا طير الهوى خبث البال
= الطـيـر نـزر والـحـبــارى قـليله

يـا الله يـا الـلي طـالبه مـا بـعد فال
= يا اللي مــن الضـيـفـات نجى دخيله

أفــرج لـمـن قـلبه غـدا فيه ولوال
= والنوم ما جـــــاء عـيـنه إلا قليله

لا مـن ذكـرت ارموس عصر لنا زال
= شـوف الـفياض وفقد عـــز القبيله

يـا زيـن شدتهـم إليـا روح الـمـال
= يتلـون بـراق حــقــوق مـخيلـه

يســقـى خصيـفا والثمان أرضها سال
= مـرتـع معطرة السيــــوف الصقيله

عـجـمـان لا ركـبـوا على كل شملال
= يفرح بهم راع الـنـياق الهزيله

مـن جــو سـاقـان إلى السيف همال
= وينوش حسنــــا والـرديـفة هميله

ولا قــادنـا مـن يـمـه الـقفر خيال
= يـصـبح شديد البدو عــــجل رحيله

قــاد السـلـف واستجنبوا كل مشوال
= والعصر يا ما أحـلا تخيبـط نـزيــلـه

وإن شرف البادي عـلى روس الأقـذال
= والـمـال كـثـر الـــزول زود جفيله

تـلافـحـت مـا بينــا شهـب الأذيال
= ومن ضيع الـــمفتاح يـا عـزتى لـه

ركـبـوا على طوعاتهم كــل عيــال
= وكل أبلج يحـرى بـكــــسب النفيله

تـغانـموا المـفزاع ذربيـن الأفعــال
= مـن قبـل تسبق غارة تنثنـــى لـه

يبغون طوعـه روسـهن قبل الإدمــال
= وتـغانمـوا خلف كــثـير هـجيلــه

وحال الكمى مــن دون عطرات الأجهال
= ومروا ولحقوا مقحــمين الدبيلــــه

واللــى تريض عقبهم يلبـس الشــال
= من صنــع داود دروع ثقيــلــــه

يلزم عليهم علة عـقب الأنـهــــال
= ومن غارته لـزم يـضيع دليـــلــه

والدم مـن قحص الرمـك يثعل اثعــال
= يزعج عــلى وروك السبايـا وشيــله

هـذى براعيها مـن المعرقه مـــال
= وهـذى شكـلها مطرق مــا تشيــله

من وقـع كـل مجرب قد له أفـعـــال
= وفـروخ صـاد من الحبارى فـصيــــله

ولـيـا ركبنا فوق عـجــلات الأزوال
= وبأيمنـا حـدب السيوف الصقيلــــه

ومـا حـن نحسب لأشتـبك عج واقتال
= وتـرك صـبى يقتنع بالفــشيــلــه

وصلاة ربي عـد مـا زايـــــل زال
= على نبى الحـق راع الفــضيــله

منقول وأنتم سالمون وغانمون والسلام .