[خيَّال الغلباء]

المشاركة الأصلية كتبت بواسطة فارس نجد 1

بسم الله الرحمن الرحيم

يامدور المعنا ترانا عرفنا=واضح ونوره مثل نور القوايل
أنا هل الردات لامن وقفنا=دقلاتنا تشفي الكبود الغلايل
إليا وقفنا قدمهم ما انصرفنا=حتى نلبسهم لباس الدبايل
نأخذ على قب الأصايل شففنا=بمخير صوته سوات المخايل
يا ما سعينا في المغازي وطفنا=غاراتنا فيها تشاف الهوايل
واليا اعتزا خيالنا وارتجفنا=مثل الرعود اللي تصب الهمايل
وان صاح صياح المغيره وزفنا=مانلتفت للجمع لو كان ضايل
يا ما كسرناهم وياما عسفنا=من عاصين مايلتفت للهزايل
والياتسو غيضنا مع صلفنا=نروي السيوف مذهبات الصقايل
حنا هل الغلبا أجموعن وحفنا=خلا الشجيع يروح قلبه ذهايل
ويا ما على جمع المعادي زحفنا=ولا نرجع إلا بأمهات الشمايل
وحنا هل البيرق ويامن طرفنا=ارجال أبو تركي جيوش دهايل
في شور أخو نوره لبسنا شرفنا=انفضل الموت المحقق فضايل
ذاك الزعيم اللي لنصره نصفنا=وبان الرفيق وبان شين الدلايل
اللي على جيش المعادي نحفنا=لين اسلمو من عقب حد السلايل
اليا رمينا الرمي نكسر هدفنا=وتشهد على ما أقول كل القبايل
في ساعتن فيها تقدم سلفنا=تنشف بها الأرياق والدم سايل
تبعد مغازينا ويبطي نكفنا=تشهد لنا قحص المهار الاصايل
واليا عطينا عهدنا ما أختلفنا=يومن بعض الناس فيهم فشايل
وجيرانا ماتشتكي من عجفنا=وللضيف نطرح له قعود وحايل
ياما حذفنا في الدهر وانحذفنا=وياكم فعلنا في الخوي من جمايل
وياكم عقيد خافنا لاعرفنا=وقفا على جرحه يجر الولايل
وكل الخليق تروح والعمر يفنا=وتاريخنا يبقى وتبقى الفعايل
حزنا على كل الفعايل ونفنا=ولا نلتفت في هرج عدل ومايل
وفي هرجنا ياسامعه ما زهفنا=واللي مكذبني يشوف الدلايل
شوف مجدنا وافعال ربعي وشفنا=وتعلمك الايام عن كل قايل
وبفعل طليقين الوجيه أعترفنا=ما فيه دم الا يجيله فصايل

أخي الكريم / فارس نجد السلام عليكم ورحمة الله وبركاته وبعد : شكرا جزيلا لك على نقل هذه القصيدة الرائعة وصح لسان الشاعر الكبير / سعد بن سعيد الملحي السبيعي وسلم نبضه وبنانه والغلباء تستاهل قول وفعل والشاعر الذي لا ينظم الشعر في ماّثر قبيلته شعره ناقص مع أطيب الأمنيات واسلم وسلم والسلام .