[خيَّال الغلباء]

بـــسم الله الرحـمن الرحيــم

اخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم قصـدة شاعر الشعـراء / عـبدالعزيز بن سلمـان الفرّاج البليداني السبـيعي . وقد قالهـا قبل أيام في أمسية هـلا فراير التي تنقـل على قناة المختلـف والبرنامــج كبـير وضخم ومعروف ومتابع من فئة كبـيرة من الناس ويقام كل سنـة وهذا رابطهـا للجوال :

http://www.zshare.net/download/8744002738d868/

وما قصّر أبو سلمـان قصيدة رائعة صح لسانه عليها وبيّض الله وجهه على هالقصيدة الوثيقـة

:: الـــــــــــقـصـيـــــــــده ::

ربعـي سبـيع أحيـاء بجلود الأموات
= والحكم لله ثم لصقر الجزيره

كنّـا على البـيرق عيون وردارات
= ودونـه تقاطعنـا الجموع الغفيره

ولاء ولاء ما هو كلام وشعارات
= اللي تردد فالسنيـن الأخيــره

صـولات في نجد العذيّـه وجولات
= ليـن السعد فالمملكه حام طيـره

حنّـا سبـيع اللي صنعّنـا معجـزات
= ما نبطـش إلا فوق الأسماء الشهيـره

وحنّـا سبـيع أهل الطروق المخلات
= وحنّـا سبـيع أهل السيوف الشطيره

وحنّـا سبـيع أهل السلوم المنقّـات
= لـنـا وجيـه وجاه يذري وجيـره

وحنـا سبـيع إن قيـل ياسبـيع ردّات
= نرمي بغالي الروح وسط السعيـره

وحنّـا سبـيع أهل الفعول المسمّــات
= خيّـالنا ما قد نشد عن مصيره

لنـا مواقيفً تشرّف وعـادات
= بذكـر بعضهـا لو بنبذه قصيره

تاريخنـا ما يحصره كتب وروات
= ولا فالعربيّـه ولا فالجزيـــره

إلا وسامً في صدور البطـولات
= عنهـا المقامـات الكبيـره صغيره

حنّـا هل المثلوثـه بفايتً فات
= يوم السنين بجوعها مستطيره

ومنـاخ ذروّاي يوم المثارات
= وما نقطع النقذه بوجه العثيره

وكبـار الشمايـل كسبنـا فالغزاوات
= ونسهج حلال القوم صبح وظهيره

ومنّـا هل العشـر الفهود المضرّات
= تحيزموا والموت جاهم بشيـره

ردّو ثلاث آلاف سطّوه وصملات
= اللي ذبح واللي يدرّج كسيـره

وإن فرّعـن البـيض وإزداد الأصوات
= وكلّـن تعزوا له بعزوة عشيـره

نسكر دجر على ظهور العبـيّـات
= والموت نستنشق شذاه وعبـيره

وإن راحت علوم الرياجيـل وإن جـات
= غير السبـيعي من يدلّه قصيره

من غير قاصر في جميع السموّات
= قبايلً بسلومها مستنيره

واليوم في نعمه وأمان وحضارات
= في ظل أبو متعب نظيف السريره

وختامها منّي سلام وتحيّـات
= لأهل الوجيه الساطعات المنيــره

وصلّو على من عرج به للسماوات
= وبيته وأهل بيته ومن سار سيره

منقول وأنتم سالمون وغانمون والسلام .