[الهداف]

الأخوان الأعزاء حمد السبيعي وحمدان ال جنيف


كفيتو ووفيتو الله لايهينكم وسقتو من الأدله مايكفي ان يفهم الحجر


والحقيقه ان الغلباء لقب وليس اسم اخت اوجده او فرس كما ذكر الأخ


خيال الغلبا ء وايليكم الدلين من بعض الأبيات الت استشهد بها في سياق تعليقه على الموضوع--





ويرد في أشعار بني هلال القديمة تسمية بني هلال بالغلباء قال : / عبدالله بن زيزر يمدح ذياب بن غانم الهلالي :

شكا قبلك الزغبي ذياب بن غانم
= مطفي من نــار المعادي طلوعها

مقــدم غلبــا من هلال بن عـامر
= منكث من أرقاب المعادي دروعها



هل يقصد---( مقدم علبا من هلال بن عامر )ان الفرس غلبا من سلالة هلال بن عامر


لايأخي ولاكن يقصد سبيع من هلال بن عامر وغلبا صفه والصفه تتبع على الموصوف
--------------------------------------------------------------------------





والغلباء عزوة لقبيلة سبيع بن عامر تميزها عن سائر قبائل العرب قال : / زنيفر بن نوبان العبيوي المطيري :

قـلـته و أنا مع سبيـــع الغلبـــاء
= ظهور السواني للقصير صحـاح



وهل يقصد --قلته وانا من سبيع الغلباء --اي ان سبيع من سلالة الفرس


ابداً وانما قصده ان الغلبا صفه لسبيع


--------------------------------------------------


يا سبيع يا أهل الفعل يا أولاد عامر
ليـا قيـل : يــم المال ثــار صياح

و قال : شاعر العجمان فهد الخفيف يوم الرضيمه سنة 1238 هـ :

تسمووا بنا الغلباء سبيع بن عامر
= تسمووا بنا لين الله أدنى ذهابها



وهل قصده--تسموو بنا الغلبا سبيع بن عامر


بأن خيل سبيع هي اللي تسموت بهم --لا ولكن اورد الغلبا كصفه لسبيع
----------------------------------------




قال : الشاعر مزيد المطيري

غلبا سبيع اللي تروي السنيني
= فوق المهار اللي تسالس حذاها


وش رايك في قول المطيري--تظن قصده ان خيل سبيع هي اللي تروي السنيني

لاوالف لا وانما يقصد بان سبيع اللذين من صفاتهم الغلبه هم اللي يروون السنيني

-------------------------------------

يشهد لهم عود القنا والعريني
= على ظهور الخيل في ملتقاها


وقال : في قصيدة اخرى

من لابة يوم اللقا تهدي الأرواح
= فكاكة التالي إلى أقفوا مدابيح

غلباء سبيع مروية علط الأرماح
= خيالهم بالخيل ياخذ مساريح


خيالهم بالخيل ياخذ مساريح---ماقال خيالهم بغلباء ياخذ مساريح

-----------------------------------------------------------------

غلبا سبيع أهل المروة والأمداح
= أهل بيوتن شيدوهن مداويح



وش رايك خيل سبيه هي اللي لها المروه والأمداح او ان الخيل تشيد البيوت


--------------------------------------------

ما دوروا في مالهم زود الأرباح
= ما حاشت ايديهم يقلط مفاطيح

بدرب الكرم والمرجلة ما هم شحاح
= لو ركبت شهب الليالي الشلافيح

أقولها ما ني بالأمثال مزاح
= أعد فعل سبيع غلباء الزحازيح


يقول --اعد فعل سبيع غلبا الزحازيح- من تضنه يقصدبالزحازيح الفرس والاسبيع

-------------------------------------------------------

كما قال : شاعر بني خالد في الفارس شليل المليحي

الفعل يا ابن حميد فعل المليحي
= اللي عزل بين الخوالد والأتراك

من روس غلباء متعبين النطيحي
= هذا ومثله دوم يصلح لشرواك


وش ظنك في قوله---من روس غلبا --يعني من روس الخيل -لا وانما يقصد انه من روس سبيع

العلبا