[ابوسعدالسبيعي]

اشتهرت قبيلة سبيع بسبيـع (( الغـلبا )) منذ القدم ويقصد بهذا اللقب القبيله العزيزه الممتنعه لكثرة غلبها وشدة سطوتها

ودليل هذا في سبيع أن منازلها منذ نشأتها لم يحلها غيرها مثل رنيه والخرمه والحاير وبعدها جاءت رماح والعيطـليّه وباقي ديار العارض والصمّان فلذا ديار سبيع تنسب لها فيقال : عرق سبيع ووديان سبيع وحاير سبيع... وهكذا ، راجع جميع قواميس اللغة والموروث الشعبي .

و سبيع .. واحدة من اعرق قبائل العرب ذات الامتداد الضارب في عمق التاريخ ، يشغل بنــــوها مساحات جغرافية شاسعة في المملكة شرقاً وغرباً وفي الوسط وسمّو بهذا الأسم نسبةً إلى أفعالهم

وقد أُطـلـق على سـبيـع هذا الأسـم من الـقبائـل الأخرى في الجزيره العربيّـه


اشتقاق اللقب ومعناه : ـ

و هذا اللقب مشتق من كلمة غلب وتعني أخذ الشيء قهرا


جاء في القاموس المحيط ص 155 : [ والغلبا من القبائل العزيزه الممتنعة ] 000

وفي لسان العرب 1/652 : [ والسادة يوصفون بأنهم غلب ]

من لسان العرب لابن منظور الصفحة 4241 : (( غَلْبا : عَظِيمـةٌ مُشْرِفة )

قال الشيخ حمد الجاسر رحمه الله في معجم قبائل المملكه 2/531 : ( الغلبا لقب لقبيلة سبيع تشمل فروع القبيلة ) .



***
***
***

الشواهد الشعرية 0


يقول الشاعر عبد العزيز ابن عون الحربي في احد فرّيس سبيع :

	من لابة منها القبايل ( يذلـون ) سموهم ( الغلبا ) وهم غالبينـي سبيع ليا ركبوا على الخيل يشدون خيل تحدر بيـن جـال وبطينـي

يقـول الفارس حـمـد الشيباني ، وهـو اخـو الـفارس المشهور حمدان ابـن شاهـر اللي ذبـحـه عـظيـب ابن مصيلط من القريشات مـتـوعـد بـأخـذ الـثـار في ذبـحـت اخــوه :

	لا واهني من قبـل نقـر الشيـب من طارد (( الغلبا )) على الزلبات لعـل والينـا يجيـب عضـيـب عـيـدٍ لحـامـي الـجـاذيـات

قال الشاعر زنيفر العبيوي المطيري/

	قلته وانا مع سبيع (( الغلبا )) ظهور السواني للقصير صحاح

وقالت شاعره من قبيلة عتيبه وقد جلا زوجها مع سبيع /

	شوقي مع ( الغلبا سبيع ) اسندوبه وانا ورى الصخه تنحرت خنزيـر

الصخه وخنزير موضعان في نجد 0



قال شاعر ابن عريعر يمدح شليّل المليحي يوم حارب الترك مع الخوالـد وشاف فعله الساطع على الجميع :

	يابو حميد الفعل فعل <SPAN classhighlight>المليحي</SPAN>=اللي عزل بين الخوالد و الأتراك حوّل بشيـخ الـروم حـيّ ٍ يصيحـي في ساعة ٍ و الخيل صولات و إعراك . من روس ( غلبا ) متعبين النطيحـي هـذا و مثلـه دوم يصلـح لشـرواك

قول الشيخ تركي بن حميد /

	زيزوم (غلبا ) كل يـومً تجـرا واطرافها تاطا الغبا و المشاريف

و مـن القصائد المعاصره : ـ

قصيدة مزيد السريحي المطيري بجاره إبن صـيـّـاح العزه /

	( غلبا ) سبيع اللي تروي السنيني فوق المهار اللي تسالس حذاها . يشهد لهم عود القنـا و العرينـي على ظهور الخيل في ملتقاهـا

.




و يقول الشاعر / محمد دخيل العصيمي :

	ولو شفـت حـي يـوم جينـاه زوار ( غلبا ) سبيع أهل الوجيه المسافير . لولا الزلل لاقول فـي كـل الأقطـار ما جابن الخفـرات مثـل المناعيـر.

و يقول الشاعر مزيد بن حسن السريحي المطيري , في قصيده ثانيه , بإبن صيـّـاح /

	( غلبا ) سبيع مروّية علط الأرماح خيّالهم بالخيـل ياخـذ مساريـح . ( غلبا ) سبيع أهل المروّه و الأمداح أهل بيـوت ٍ شيّدوهـن مداويـح .

وهذا ابيات من ضمـن قصيده طويله للشاعر فالح ابن محمد ابن علوان العجمي في دبيّـان ابن معيض العامري :

	(( من هل الغلبا عذاب المعتديني ))تلطم اللي عـال وتعـز اقصراهـا والثلاث اللي بهـا هـم فايزينـي يشهـد التاريـخ بعلـومٍ رواهـا

و يقول الشاعر الكبير / عبدالله بن عبّـار الفدعاني العنزي , بالشيخ / زيد بن ناصر المليحي :-

	مجناه من صلب الرجـال الصناديـد الابه اللـي ينطحـون النطيحـي . ( سبعان ) يسقون المعادي من الكيد ( غلبا ) ليا حل النهـار القبيحـي . يوم السبايـا حـادرات و مسانيـد هذا صويب وذاك خلّـي ذبيحـي .

* ديوان ( من سوالف التعاليل ) للمؤلف ./ عبدالله بن عبار العنزي .

************************************************** ***
************************************************** ***
************************************************** ***

اللي ذكرت سابقا ً قصائد القبائل الاخرى بلقب ( الغلبا ) لسبيع , والآن قصائد شعار سبيع :


قال الشاعر فهد ابن مخشوش الصميلي /

	انا من الغلبا سبيع بن عامـر اهل الشجاعة والفعول الجزايل

وقال الشاعر خدعان المشعبي /

	لعيون شول للغضا دهـال تبرى له الغلبا على الزلبات

0الشول الإبل والزلبات الخيل


يوم البدع عام 1237هـ بين سبيع و الترك , اللي ورد بتاريخ إبن بشر , يقول إبن ربيش العامري :

	الروم جونا من شمال ٍ بصولـه من كثرهم ضاعت جميع الفكاير . تنحّروا من روس ( غلبا ) قبيلـه عوامر ٍ تسقي العـدو المرايـر .

ومن القصائد المعاصره : ـ


يقول الشاعر شـبـّـاب بن باتل الصميلي .. رحمه الله :

	( غلبا ) هل الردّات لا صاح صايح ليا غدت جرد السبايـا سفايـح كم فارسً خلّي على القاع طايـح بمهنّد ٍ يشيل راسـه و الأمتـان

و قال أيضا ً :

	( غلبا ) ليا ركبوا مهار شواحيف ندوس غبات الخطر ما نحودي .

ويقـول الشاعر مساعـد ابن عمر المجمّعـي :

	ياهل (( الغلبا )) هل الردّات وافين الخصايليا سلالة عامر المعروف يا نعم السلالـه ياهل (( الغلبا )) ليامن ولّعت روس الفتايل في نحور القوم ترسي مثل ما ترسي جبال

الشاعـر ثامـر ابن دحيـم ابن شويـه :

	ربعي الغلبا سبيع ومن تحدّاها يبشر بطعم الغليبه من يمانيها

يقـول الشاعر الكبيـر عبد العزيز الـفـرّاج من ضمـن قصيده له طويلـه :

	قلته وانا من لابتن تدرك الفيد غلبا سبيع ولا رضت بالغليبه

ويقـول الشاعـر مدغـم ابو شيبــه :

	حنا هل الغلبا الدهاه الحلاحيل عدونا يقعد على الارض عاله اليا رضينا للعدالـه مداهيـل واليا زعلنا مانعرف العدالـه

قال الشاعر الكبير دسمان ابن مناحي المحمدّي /

	حنا هل الغلبا سلايل عامر ياناشد عن حينا سبعـان

ويقـول ايضـاً شبّـاب ابن باتـل :

	(( غلبا )) ليا من زام جمع الحفيفـي نزمـي ونـروي كـل حـدً رهيفـي لاقامـت الزلبـات تهـرف هريفـي نرمي بمرخيـن الأعنّـه والأرسـان (( غلبا )) هل العشر المردّف بعشرين وصكّو بقوم المنتفق فـوق الألفيـن طريحهـم بالقـاع تسعـه وتسعيـن وخلا السيوف ابا القـراوه وقضعـان

ويقول الشاعر ناصـر ابن فارس الفراعنـه :

	من كثر ما نغلب نسمّى (( الغلبا )) الحـظ قايـم والرجـال افـعـال

قال الشاعر فالح ابن راشد ابن حثلان /

	يوم الحروب الطاحنه وايام ماضيهـا شنيـع عزاويّ ( الغلبا ) تدك البيد وتهـد الجمـوع ماردهم قلة عدد اصغر فتـى فيهـم شجيـع يارد حياض الموت ماعاش المذله والخنـوع لاثارت الهيجا غنايمهم مـن عداهـم قطيـع غير الركايب والمهار اللي على الصيحه تفوع

هاذي الأبيات نقطه من بحر , و الأبيات كثيره جدا حول هذا اللقـب



تحياتي لكم .