[ابن جمل]

يا زماني يوم أفكر فالمثايل = من هجوسٍ وسط قلبي داخليه
وأتلفت من هروج بلا دلايل = حيث بعض الهرج ماله قابليه
والسبايب من كلام بلا فعايل = العزوم شوي والهرجه قويه
من زعل من صاحبه شب الفتايل= يحسبن الهرج يحسم له قضيه
مادرى أنه يجمع أذنوب وفشايل= كيف يقبل في سوالف فوضجيه
ما يشوف أهل التغطرس والتمايل= ما يفكر في زمان العنصريه
عالمٍ عاشت على نصب وتحايل = وآهني اللي بحاله وآهنيه
أن بغيت اذكر حقايقهم ثقايل= يا كثر غلطاتهم صبح اوعشيه
وأن صبرت أحس في كبدي ملايل = لؤ رجلي عن مسايرهم غنيه
يامتى ربي يعجل في المخايل= وأتسلى فالديار المهمهيه
البقى لله غير الرب زايل= العمر محسوب والدنيا مطيه
والوفا والطيب وعلوم الجزايل= طمعت قلوبٍ على العليا جريه
والصمايل مع ريا جيل الصمايل= من زمانٍ فات والصبح وقفيه
والهزايل ما تشابه بالفضايل= والردي يلقى مع الدنيا حليه
والنشاما ما تجامل كل عايل= كل عايل دايماً نفسه دنيه
والنذاله سلم لقلوبٍ هبايل= كل نذلٍ يتخذها له نحيه
والشجاعه طمعة عيال الحمايل = من سلكها دايم أعزومه مديه
ذا وأنا عن مسلكي مالي بدايل= من تردى ما أتشرف في مجيه
أحمد الله خطوتي مع كل طايل= والتنازل للولي رب البريه
أعشق مرافق معسفت الأصايل = الرجال أهل الشرف والمقدريه
والوفي لوغاب تاصله الرسايل= وإن لفاني درت بن الشاذليه
والله اللي يجمع قلوب وفصايل = من يخاف الله تبع سنة نبيه
وآخر الأيام فرصة كل قايل= في زمان العولمه صرنا ضحيه
في زمان العولمه شفت الهوايل= شفت وأسمع فالمجالس كم خطيه
والكمايل للولي راع الكمايل = اسمحولي بعد ما أعطيكم تحيه