|
بخيت السناني * زيد العضيله
كُتب : [ 13 - 07 - 2008 ]
بـــخـــيـــت الــســنــانـــي
حصلت صورت زيد بن سلمي على مدخل عفيف
أمعلقـه فـي الوحـه الـي مـا يظلـل ظلـهـا
الصوره أخر عهد والوحه على عهـد الشريـف
فيهـا علامـه فارقـه مـا كـل أحـد يفطنلهـا
زيـــــــــد الــعــضــيــلــه
أحذر تعدى أيات لوحه علقت فـوق الرصيـف
الـي تنومـس هاتهـا والـي تـزعـل خلـهـا
الوقت الاول راح وأنت شاعـر دمـك خفيـف
والنـاس ماحـد يشتقـي فيهـا لــولا دلـهـا
بـــخـــيـــت الــســنــانـــي
مالي مصالح بالصور مادمت أنا طرقي وضيف
أفـزع عليـهـا لا يـجـي وأحــد يحتلـهـا
لاتفتقد شعبيتك يازيـد عنـد أهـل المصيـف
أمورهـم تكفيـك عـن كثـر الامـور وقلـهـا
زيـــــــــد الــعــضــيــلــه
أجل ليا مريتها غمض وصيـر أعمـى كفيـف
وأحسـب حسـاب الثانيـه والاستخـاره صلهـا
الليله أبخيت السنانـي ويـش عنـده يالطيـف
يعقـد أحبـال المـراجـل مايـعـرف يحلـهـا
بـــخـــيـــت الــســنــانـــي
ماني مغمض ياولد سلمي وأنا مانـي ضعيـف
الحاجـه الـي مـا تعـز الــرأس ماننزلـهـا
أنت ثمان أسنين متعامل مـع شيـوخ القطيـف
واليوم بانـت عـازت الاصحـاب وش تعملهـا
زيـــــــــد الــعــضــيــلــه
الي منول في شـروره حولوهـا فـي طريـف
الله أكبـر ياوجـيـه الخـيـر وش حاصلـهـا
يا راعي المشعاب قوم وجرد السيـف الرهيـف
وكل الجمايـل فـي التـراب أحفرلهـا ودفنلهـا
بـــخـــيـــت الــســنــانـــي
شفناك تمسح شارب الكبتن ً على شان المضيـف
من طيب قلبك مـا بقـت غيـر الدمـوع تهلهـا
أليا دفنت الطيب مـا تلقـى شفيـع ولا حليـف
أضـن ماتلقـى ولا شـجـره تـنـام بظلـهـا
زيـــــــــد الــعــضــيــلــه
أبا أتوسط عندهـم وأجيبلـك رتبـت عريـف
والـي معـه طبلـه يجـر الصـوت ويطبلهـا
السرج في ظهر الفرس والحبل في رقبت العسيف
وأنت تنزلها فـي محـل الخـوف غيـر محلهـا
|