[خيَّال الغلباء]

أخي الكريم / حزم الجلاميد السلام عليكم ورحمة الله وبركاته وبعد : شكرا جزيلا لك على مرورك الكريم بهذه النبذة التعريفة المختصرة القصيرة عن الشيخ / ضرمان بن فيصل بن عساف اّل أبو اثنين رحمه الله وأسكنه فسيح جناته واّل أبو اثنين يستاهلون وقد قال الشاعر/ مسلم الناقول هذه القصيده في أحد أحفاده الشيخ / مطلق بن فيصل بن ضرمان أبو اثنين مع التحيه والأحترام :

تباشروا يا مجمعة حم الأشعاف=ضاقت وفرجها الكريم بسلامه
الأمر جابه شيخنا نسل عساف=نسل الشيوخ اللي تقود الجهامه
نسل الشيوخ مروية حدب الأسياف=لا جاء نهارا"مثل يوم الرغامه
له موقف لا يبس الريق ينشاف=ورثه لجدانه قديم وعمامه
تزعم القاله زعيم وعرّاف=يوم اعتزى هم اعتصب بالعمامه
تزعم القالات حطام الأهداف=زعيمنا اللي يستحق الزعامه
تنشر له البيضاء على راس مشراف=مطلق ولد فيصل ينومس مقامه
أخذ من الميزه حسينات الأوصاف=خلق حسين وفيه نخوة شهامه
السيف في داخل جفيره له اغلاف=ما ينفعك لا صار داخل حرامه
ما ينفعك لا صار بيدين خواف=إن ما ضرب بالحد شيله رخامه
لا صار مال الدلو جاذب وغرّاف=يا عزتي للي هزيله عظامه
الشيخ يبغى منه فزعه وميقاف=وإلا يبدل عن شداده مسامه
وصلاة ربي عد محرم ومن طاف=على شفيع الخلق يوم القيامه

والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق شكري وإمتناني مقرونا بجزيل محبتي وإحترامي مع خالص التحية وأطيب الأمنيات واسلم وسلم والسلام .