[خيَّال الغلباء]

المشاركة الأصلية كتبت بواسطة خيال الغلباء

بسم الله الرحمن الرحيم

اخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم قصيدة الشاعر الكبير / محمد بن شايع العريني في الشيخ / ابن خزيم السبيعي راع البكيرية :

سلام من قلب ٍ به الحب نزي= سلام محب للعزيزي معايد
إعداد ما ناح القميري وفزي = امذيّر من فوق هدب الجرايد
لإبن خزيّم مسندي وهو عزي = لإبن السبيعي وابن عمي نعايد
يقول من عينه عن النوم تجزي = والهم دوم بين الأضلاع زايد
الله من قلب ٍ به الهم لزي= وأدافع العبرات جمع وشرايد
وسط الضماير ميسم الغبن حزي = والصد شفته بين الأقراب سايد
وما بيرق العشاق بالقلب رزي= وطرد الهوى عقب الثلاين كايد
حتى ولو شفت المها لي يقزي= أصد وقلبي للسلامه محايد
همي صدود ٍ عقب جمع وعزي = من الحمولة والضنا والبدايد
لهم أدوّج تقل بيّاع بزي = من بي يروف وما على الله كايد
لأطريت جمع الشمل ردوا بطزي= ومن يدرق المقفين للهم صايد
يا شوق من يكسى حرير وخزي= ضنى الخزيم نسل صاف العقايد
يكسى حرير ٍ ينسجه دود قزي= ما تقبل التقليد عزه بزايد
اعداد عرق من ثرى النيل مزي = تبارك الله من ضميري وكايد
من ماكر ٍ دوم ٍ على العز رزي= مرساه مثل طويق ما به بعايد
ويا ليت ذلي يالعزيزي يدزي= بالمال وإلا الجاه وإلا العوايد
وسبحان رب للسبيعي معزي = بالصدق ما هو بالمنى والوعايد
ونخيت من مثله لمثلي يعزي= لأجل رفيقه ما يهاب الشدايد
بكم عسى من بعدكم ما نعزي= يا عل ولد اللاش عنكم فقايد
بجذع ٍ كريم ٍ مستجير ٍ وأهزي = وأريد راي مترجم بالقصايد
ما الرد لعب الشهر نطّ ٍ بنقزي= ما لهم طعم ولا برده سعايد
موزون وصدر البيت قافه على إزي=والعجز مثله والمقفى على اّيد
ختمي صلاة ٍ مع خفوق ينزي = لمحمد المرسول بالخير قايد

منقول بتصرف وأنتم سالمون وغانمون والسلام .

أخي الكريم / عواكيس السلام عليكم ورحمة الله وبركاته وبعد : شكرا جزيلا لك على مرورك الكريم بقصيدة الشاعر الكبير / محمد بن شايع العريني في الشيخ / ابن خزيم راع البكيرية صح لسانه وسلم نبضه وبنانه وإعتلا شانه والله يعافيك ويبارك فيك ويجزاك خيرا هذا وتقبل فائق الشكر والإمتنان مقرونا بجزل المحبة والإحترام ولا شكر على واجب مع خالص التحية وأطيب الأمنيات واسلم وسلم والسلام .