[كليب]

المشاركة الأصلية كتبت بواسطة عواكيس

بسم الله الرحمن الرحيم

الأيام حبلى والزمان ولود == بأحداث ما يعرف لهن حدود
والإنسان مهما كان قدره من الملا == ماله عن لقارب العباد صدود
والأقدار مكتوبه على ساير البشر == ومخلابها للخيرين صيود
يا حظ من يأخذ من الوقت عبرته== قبل يعتبر به ماجد ملهود
ومن يأخذ العبره تخفف مصايبة == ويزود مع كثر الحوادث جود
عسانا من اللي لا تحنهم زمانهم== يزيد هم جور الزمان صمود
جسور مع البلوى بودر مع الرجاء== مصابيح لا زاد الظلام تزود
فلا يقدر البلوى ليا جل خطبها == إلا صابر صلب الفواد جلود
صبرنا على ما صابنا في عزيزنا == عزيز عزنا عن كماه جحود
صبرنا ولولا الصبر ما طال عزنا== ولولا التحمل ما نقود جنود
ليت المنية جنبت راس فيصل == وخذت من سواد الناس بيض وسود
خذت كل تذلل وكل سقط وخايب == تخص الذي ما من وجودة زود
ليتة بقا عشرين عام يقودنا == للمجد حتى نبلغ المقصود
يهز السياسة لين يفحم رجالها == ويجي لنا بين الوجود وجود
منه احترمنا الشرق والغرب هابنا == وعالم أوروبا يرسلون وفود
هذا يبي حكمة وهذاك معرفه == وهذا يبي خبره وذاك نقود
ناس يودعهم وناس يجون له == وناس يوخرهم بربط وعود
يردون عد عادته يروي العرب == عد العدود العيلم المارود
يعطي صديقة جل ماله وحكمته == ويكسر قناة اللي يجي به زود
حضب حجوجي حكيم عارف == صلف صموت صارم نقود
حكيم حليم مستقيم على الهدى== عزوف عطوف للضعيف ودود
عليم سليم القلب والنطق والعمل == زعيم عديم في رجال الكود
وحيد فريد في زمانة ودولته == ولا ظن الزمان باللي كماة يجود
فقدناه في وقته وحنا بحاجته == الجو كاتم والليالي ســـود
فقدناه من سبه غرير طايش == نسي الوصل والرحمة وبر العود
نحسب عدو الدار من غير أهلها== وأثر عدو الدار صلب جدود
لا سامح الله فيصل بن مساعد == أثره عدو غادر لدود
فجعنا وروعنا وكدر حياتنا == وتبدلت حال النعيم نكود
على فيصل الأسلام هلت دموعنا == وخيم على كل البلاد جمود
يبكي على فيصل شباب وشايب == يبكي ولو قلبه صخر جلمود
يا حسرتي يا ما بكاه من أبلج == رجال كود طيبين سدود
ويا ما بكى من كاعب مصيونه == حمام دوح صاعه المقرود
عيونهن بدموعهن هماله == حمر حدقهن عقب ما هن سود
هذا وكلن في ذهول وريبه== وكبر المصيبه من غلا المفقود
إلا وخالد للجميع ينادي == وصوته لحر فالكبود برود
نهض وقال الحمل أنا شـــــــــــــيالة == وتمت له البيعة من اّل ســــــــــــــــعود
وجينا وبا يعنا ملكنا خـــــــــــالد== بقصر الحكم في يومه المـــــــــــــشهود
جينا نبايع بالولا والطــــــــــــــاعة == ما يكفي الوالد عن المولـــــــــــــــــود
عاش الملك خالد وعاشو إخوانــة == عاشوا ذخيرتنا عيال العــــــــــــــود
عاشو وعاش الشعب في ظل حكمهم == رغم انف كل مكابر وحــــــــــقود
متكاتفين وكل منهم فيصـــــل == وعدوهم في نون عينة عـــــــــــــــود
يا نصره الإسلام يا أولاد مقـــرن == يا نور نجد وعزها المنـــــــــــــشود
لا تتركون الجرح يكبر ويــــــــنفجر == ترى كل شي له مدى وحـــــــــــدود
ما فاح قدر الأولة وشـــــــــــاية == ولا من لهيب الأوله وقـــــــــــــــــود
تعاونوا وامشوا بعز وقــــــــــــــــوه == ولا يصير ذا عاري وذا مشـــــــدود
خلو عدو الدار يصغر ويندحر == ويدري إن في وسط العرين أسود
هذا كلام اللي يهمة شانــــــــــكم == هدية ما بغي لها مــــــــــــــــردود

الله لا يهينك ورحم الله الشاعر الشيخ / عبدالله بن غصن اّل علي السبيعي .

خيال الغلباء لا هنت على المرور