[خيَّال الغلباء]

بسم الله الرحمن الرحيم

الاخوان الكرام أطرح بين أيديكم هذه القصيدة من قصايدي القديمه كأول مشاركة لي فــــــــي هذا المنتدى راجياً أن تنمال إعجابكم :

راكب اللي يبعد الهم موجاهه
= لند لمتد لك شنطه ومحاله

مركب اللي عايشٍ في ترفاهه
= يتبعون الناس حله وترحاله

دولة اليابان منبع توجاهه
= زودوا بمواصفاته عن أمثاله

لا طلع به فالعشي للتنزاهه
= والكدالك والصوالين تبراله

ودي بسجه ومعها تنفاهه
= صوب عرق سبيع والهضب وجباله

دار ربعٍ للمطافيق لفاهه
= لابةٍ ما هيب للسور مكاله

نشره الطيّب ونقبل تشراهه
= والردي ما تنظر العين مرساله

شوفنا ما هوب للظل وأشباهه
= اترك اللي شقوته يسبر ظلاله

أعبد إلهي وهو يعبد إلهه
= ديني الحالي وهو دينه الحاله

إن كسب منقود وإلا كسب فاهه
= يحسب إنه يملك الناس برياله

ما درى إن الوقت يخلف تمذاهه
= كم ثريٍ حاله اليوم يرثى له

بين غمضة رمش عين وتنباهه
= يبدل الله وضع حاله إلى حاله

آه من قلبٍ صعيبٍ تدلاهه
= يتعبك ياللي تحاول تدلاله

ما جعلني هكذا غير لهلاهه
= عانق السبع وفالصدر منزاله

له طموحاتٍ كبيره وله ناهه
= مير باقي لازمٍ ما تهياله

مع تحيات أخوكم الشاعر/ دسمان بن مناحي السبيعي

أخي الكريم الشاعر الكبير / أبو ثواب دسمان بن مناحي المحمدي السبيعي صح لسانك وسلم نبضك وبنانك وإعتلا شانك وشكرا لك على هذه القصيدة الجزلة والشعر الشعور هو الذي يحرك المشاعر ويهز الوجدان ويجعل الشاعر يتهيض وكذلك السامع والله يعافيك ويبارك فيك ويجزاك خيرا ويبيض وجهك عند مولاك يوم تبيض وجوه وتسود وجوه ولا هنت هذا وتقبل فائق الشكر والإمتنان مقرونا بجزيل المحبة والإحترام مع أطيب خالص التحية والأمنيات واسلم وسلم والسلام .