[الحميدي محمد الفراعنه]

يـا سـبـيـع


ياسبيع ياهل الثـلاث الـي بهـا تعرفـون
واهـل البخـوت الكـبـار الــي تسمابـهـا
واهل البشوت الوساع الي لها تلبسون
اللـي تجـمـل وتــذري مــن تــذرا بـهـا
ياسبيع يالي على صم الرمـك تحتمـون
البـل بشلـف يفـض الاراس مضرابـهـا
ياسبيع يلي على وقت العسـر تكرمـون
ياللي علـى المصراعيـن تفتـح ابوابهـا
ياسبيـع يالـي بتاريـخ العـرب تذكـرون
تحـكـي التـواريـخ عنـكـم ونتحاكـابـهـا
ياسبيـع لاكـثـرت الــردات ماتهـزمـون
لاصاحـت المحصنـات وشـقـة اجيابـهـا
ياسبيع ياهل الرماح الي تفض المتـون
اهـل عــزوة ماتخـجـل مــن تعزوابـهـا
ياسبيع ياللي على سلم شرف تصعدون
الـعـود يـرقـا بـهــا والـغـمـر يرقـابـهـا
ياسبيع ياهل الفخر من حقكـم تفخـرون
ولــولا صــدوق الـعـبـارة مانطقنـابـهـا
والله لـولا اكتسـاب المـدح ماتمـدحـون
الاقـول بعـد الفـعـول امــوت واحيابـهـا
عليكـم البـيـض ننشـرهـا وتستاهـلـون
والبـيـض لسبـيـع حاضـرهـا وغيابـهـا
ياللـي بنيتـوا خـيـام العـفـو تستقبـلـون
جتكـم قبايـل بـنـو قحـطـان واصحابـهـا
قـبـايـل يـطـلـبـون الله ثــــم يـطـلـبـون
ذبيـحـة ربـطـت فــي حــوش قصابـهـا
بجـاه ربـي وبجـاه الرسـل والمسلمـون
نطـلـب رجـــال تـقــدر جـــاه طـلابـهـا
عفـوا عساكـم نهـار البعـث تستبعثـون
في زمرة الانبيـاء والرسـل واصحابهـا
ياسبيع جينا لكـم نمشـي علـى ماتبـون
بـعــد بـلـتـنـا الــبــلاوي وابتليـنـابـهـا
حنا اللحم وانتم السكيـن والكـون كـون
كـانــت وبـانــت وحــنــا مادريـنـابـهـا
مـن غـدر الايـام لانسـلـم ولاتسلـمـون
بقـعـا تـلـف وتــدور وتفـتـل اشنـابـهـا
وحنـا عـن الغـيـب لانعـلـم ولاتعلـمـون
والـدهـر فـسـر احــلام ماحلـمـنـا بـهــا
واليـوم جينـا وبـكـرة جعلـكـم ماتـجـون
تشكون من نزعـة الشيطـان واسبابهـا
والنفس احانـت وادانتهـا كبـار الديـون
وابـلـيـس لـشــر وداهـــا ولا جـابـهــا
تخضع تحت سيـف الله حديـد السنـون
امـــــــا تـعـشـابــهــا والا تـغــدابــهــا
تسامحـوا واعتقـوهـا جعلـكـم تعتـقـون
فـي ساعـة كـل نفـس تعـرف احسابهـا
وصلوا على اللي بنور هدايته تهتـدون
نبيـنـا الـلـي فـتـح مـكـة وصـلـى بـهــا
اللـي رفـع رايــة الاســلام للمسلـمـون
واهـدم وهـدم بيـوت الشـرك واحزابهـا



لشاعر/ سيف كليفيخ الجروي القحطاني

منقولة