السلام عليكم ورحمة الله وبركاته
اتمنى ان تعجبكم القصيده الرائعه للشاعر الجميل علي بن رشيد الخياط اسكنه الله في فسيح جناته
والله اني احترم عائلة الخياط اخرام كبير بسبت هذا شاعر العظيم
وهو يمدح امير عنيزه زامل السليم الزامل الثوري السبيعي
وهو من حاضرة سبيع
وهو من سبعان القصيم
يقول
يادارنا لاترهبي يومك سعيد
حنا حماة الدار وشب شعالها
هذي عنيزة مانبيعه بالزهيد
لا فرعن البيض نحمي جالها
دونك ودون الغيد مخضر الجريد
نروي من الضد الحريب سلالها
ياما ذبحنا دون غضاة تميد
جنايز ترمى ولا احد شالها
ياشيخ ياللي مانشى مثلك وليد
لارفعن الخيل شهب اذيالها
لو جبت عناز وشمر وابن رشيد
ونجد جميعه دقها وجلالها
جبته وخليته كما حلقة حديد
شرق وجنوب وغربها وشمالها
الدار دونه لابة تحمي الطريد
صعب على كل العداء منالها
كم سابق يوم اللقا جريه يزيد
عاداتنا ضربه وضرب امثالها
تاطا حديد وفوق راكبها حديد
توطته مركوبته بنعالها
عينت وين الجرو تكفى لاتحيد
قل له تعشته الضرا وعيالها
لي بندق ترمي اللحم لو هو بعيد
ما وقفت بالسوق مع دلالها
خمس رصاصه ستة اشبار تزيد
ملح الجريفه محيل يعبالها
ربعي هل الطولات والباس الشديد
خطر عزايمها تهد جبالها
اولاد علي هم عمى عين الضديد
عقالها يوم الوغى جهالها
وان كان تبغى الحكم بالراي السديد
ادحم على الديره وخضب جالها