كثيرا" مايردد القحاطين قصيده أيام المغازي والمعارك
لم احفظ سوى هذا البيت
فيحان خليناه في الحزم ممدود
زبن المهار إللي تكابس أشهرها
والبيت هذا لبن ملطع قحطان فعلا" بيت مشهور ردعليه بعده خالد بن هرسان
والمقصود بفيحان في هذا البيت هو الشيخ والفارس فيحان ابن باحص من السوده
حيث أن فيحان قتلوه قحطان في معركة الراشده أو الشميط فرد يت عليه بقصيدة
الفارس الفذ /خالد ابن هرسان والحمد لله اني كنت حافظها يبين فيها
بعض من قتلوهم سبيع من فرسان قحطان ومبيناً أفعال قبيلته المشرفه ويقول:
ياراكب إللي كنها الهيـق مطـرود
وقم الرباع وشاحـمٍ فـي ظهرهـا
ذرعانها طفاح وأسبق مـن النـود
لا لا اللواحي والرسن مـا قهرهـا
تلفي لأبـن ملطـع منقـع الجـود
لا جيتـه أبشـر بشـاةٍ عقـرهـا
سامي الشجاعه ما يجي درب منقود
لو كان يطري هرجـةٍ مـا قفرهـا
أن كان تطري حج زيدٍ بمـا كـود
عينت (سالم) ريـف كبـدك ثمرهـا
حنـا خذينـا حجتيـن لهـن زود
وقمتوا تقصـون العبـاده بأثرهـا
إنا خذينـا (المسـردي )و(آل عبـود)
وخذينا (عجير) وسلةٍ مـن قشرهـا
قله فقـدت (منيـف) واوي مفقـود
حـواف غـدراً مستكـنٍ قمـرهـا
مع ساقت (إبن مسيفرة) مروي العود
محرق مـع بـن المنـاره قفرهـا
جيتوا على الصوان تزهون بجرود
وجيت بعبيدة ليـن ربـي دمرهـا
خذينا الظعن بين عاري ومشـدود
وخذينا العرابا إللي كبـارٍ فقرهـا
طاح الطريح وحقكم عنـده السـود
ولا منكم إللي (لإبن حاضر) قهرهـا
الذيب يأكل وأشهب الريش ملهـود
والضبعه العرجاء تـودي حجرهـا
هذا سلف وأصبح السلـف مـردود
ومن كلا حلاويهـا تلاقـى مررهـا
مما أسكت القحطاني .