[خيَّال الغلباء]

قصيدة الشاعر / ذعار بن سعد السويدي السبيعي ألقاها في حفل الشيخ ابن رميزان في مدح الشيخ / زيد المليحي وجماعته :

عسا السحاب اللي تسوقه رفايا
= يمطر على ديران زيد المليحي

يمطر على ديرة حسين السجايا
= هداج تيما في الزمان الشحيحي

يا طروش ياللي من سفركم ونايا
= خصو على بيت الشجاع المديحي

لو قيل لك كل الخباري ملايا
= العد يرسي والخباري تبيحي

يا ما عطى له من قصور (ن) هدايا
= منزالها للي سكنها فسيحي

يعطي الجموس اللي زهن الحنايا
= مهوب منان السلف والمنيحي

وإليا تصعب حل بعض القضايا
= يحلها والنذل يقمح قميحي

من لابة (ن) يردون حوض المنايا
= لا قيل في الردة ياّلاد السريحي

لا ردود للي سوات الحنايا
= يا ما قزا في وردهم من طريحي

جمع من الغلباء وساع النهايا
= لاد الرويبي فزعة المستصيحي

حنا سبيع اللي نقود السرايا
= كم سابق خلي ثقلها يطيحي

حنا هل الردات وأهل الحمايا
= حرابنا في النوم ما يستريحي

حنا هل المثلوثه أم الحكايا
= غير الشحم بر (ن) وسمنن يسيحي

يوم الضيوف اللي تسوق المطايا
= تشهد لنا والحق ما له نطيحي

وإنا من اللي يقلعون السبايا
= لا جت تنازا والركايب طفيحي

لا من قلعنا الخيل راحت حذايا
= ما ذكر فأولاد السويدي شحيحي

تفرح بنا سحج البكارالخلايا
= محلا لبنها عقب ذبح وذبيحي

تبرا لها الفرسان دهم السرايا
= ترعى المهامل في مرب الوضيحي

وإن أشملت تاصل ديار الطنايا
= وبالصيف ترعى في عدام الدويحي

في راي ابن باحص عطيب الهوايا
= خيال صفر (ن) كل يوم امشيحي

كم شيخ قوم لا جزع بالخطايا
= يطيح راسه قبل جسمه يطيحي

واليوم في ظل اليسود الدهايا
= أهل العداله والقرار الصريحي

حنا جنود لأبو متعب فدايا
= وحنا هل البيرق كلام (ن) صحيحي

وصلوا على خاتم جميع البرايا
= رسولنا اللي بالهدايه نصيحي

صح لسان الشاعر وسلمت يمنى الناقل