[خيَّال الغلباء]

المشاركة الأصلية كتبت بواسطة مبارك مقين

سلام يا لظفران من هاجس (ن) مر=على المشاعر ثم تعدت ذلوله
أنتم عيال العود والعزوة اعمر=قالوه قبل أقول وأنا بقوله
ليا اعتلا خيالكم سرج الأشقر =يعطي رهيف الحد الأرقب وصوله
كم قد حديتوا عزوة (ن) فعلهم شر=وكم معتد (ن) قد خذمن القاع طوله
من راس مذلوق (ن) يطر الحشا طر=راحت جواده عرو بعد نزوله
راحت تجر اعنانها في الوطا جر=يفرح بها اللي باغي (ن) له زموله
تاريخكم زاه (ن) من الحلو والمر=حلو الشكاله والمراره رجوله
ما قلت فيكم غير فعل (ن) مسطر=ختوا مع الأبطال رمز البطوله

أخي الكريم الشاعر / مبارك مقين السلام عليكم ورحمة الله وبركاته وبعد : صح لسانك وسلم نبضك وبنانك وإعتلا شأنك على هالقصيدة الرائعة في بني عمر وجعلها الله في ميزان حسناتك يوم لا ينفع مال ولا بنون إلا من أتى الله بقلب سليم والحكمة ضالة المؤمن أينما وجدها فهو أولى بها والشعر الشعور هو الذي يحرك المشاعر ويهز الوجدان ويجعل الشاعر والسامع يتهيض وكل عام وأنتم بخير وصحة وسلامة والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .