[ابن جـــــــراح]

هذا لغز موجه لنديم القوافي مرسل من
عايش بن رجاء بن جضعان المطيري

يا حمود أبن مشــعي كفيت الصواديف=جيتك وأقدم لك بداية سلامي
يا ألدلمخي ياسيد كل العواريف=ذخر الرجال الطيبين الحشامي
أسالك عن بنتاً جميلة توا صيف=أليا قبلت غاية مناي ومرامي
وليا أدبرت تنعاف من عرض ماعيف=عشاقها عينه تعاف ألمنامي
ماهي من اللي يا لبسن النفانيف=ولاهي من اللي يطردن الغرامي

وهذا حل اللغز من نديم القوافي
حمود بن مشعي المحمدي

يابن رجاء حييت من غير تكليف=يا مرحبا بك في بداية كلامي
يالعتل يا زبن الركاب المواجيف=لأجومن الطرقة جياعاً ضوامي
لغزك يا بن جضعان يعتاز تهد يف=ولأكل من هدف يصيب المرامي
لا صار ما فيها محبة مواليف= فانا رمعته يا عزيز ألمقامي
حسب اعتقادي فيه من غير تزييف=أن كأنها الدنيا عداك الملامي

وقد ارسل له حمود بن مشعي لغزا ايضا ولكن لم يردنا حله حتى الآن واللغز موجه للشاعر عايش بن رجاء المطيري

انشدك عن عذرا تفوق التواصيف= لعشاقها يالعتل ترخي اللثامي
ترخ اللثام لطيبين المواقيف=مواقفٍ تعرف نهار الزحامي
تعانق الوافي ولأتعانق ضعيف=غاية مناها اللي يشد الحزامي
والي سبقها من بروق و عواصيف=فرقه مثل فرق الأجر و لآ ثامي
وسلم عدد ما يرعد ويبرق الصيف=واقبل تحياتي لكم و احترامي