بسم الله الرحمن الرحيم
يالله يارحمن يامحصي الكواكب والنجوم
من سمع مبدى كلامي سبح الرب ودعاه
اسآلك في المغفره حيث انك الرب الرحوم
عبدك المذنب لجالك يطلبك تدمح خطاه
وبعدها يالمستمع بعد لك بعض العلوم
واخبرك في واحد (ن)حضه على الغربه حداه
في تبوك وصار من بعض القرابات محروم
ون تذكر ديرته يزداد قلبه في عناه
ولا يحل ضروفه الا واحدن ينشي الغيوم
البشر ما تنفعه حتى لو ضرفه شكاه
عارف الدنيا مصالح ونتهت بعض السلوم
اصبح إلي يملك الأموال يسعاء في رضاه
فوالله أنه ما يخفف لي كثيرات الهموم
كود خوة طيبيناً تاقف وجهاً وجاه
أخويلي في السريه تعرف بوقت اللزوم
من يخاويهم نساء الاحزان وهموم الحياه
وبو ساره قايداً يالله عسا عمره يدوم
ما خسر منهو يقوده ما خسر منهو نصاه
دين واخلاق وعلى الشدات رجالاً عزوم
العدل عنده شعاراً واضحاً من مبتداه
والفصيل بقايداً من روس شيخان البقوم
أرحمان أهل الكرم والجود القوم الدهاه
يشهد التاريخ في طيب الطحاطيح القروم
طيب لهل الطيب ولا المعتدي تلعن ثواه
نعم ياساس القروم إلي يضدون الزحوم
الدخيل ليا زبنهم محدن يفتك ذراه
تم قولي يالنشاما وادعي الله كل يوم
ينصر أهل الدين ويسلط على القوم الطغاه
هذي قصيدة لشاعر الكبير /مثيب بن فريج الصندلي السبيعي (أبو راكان)
كاتب القصيده /عبدالله عجلان المكحلي السبيعي