تدرون ليش احيان ينتابني هم=رغم الوجيه اللي تروح وتجيني
هذا صديقن لي وهذا ولدعم=وان صحت بأعلى صوت جو فازعيني
ذكرت يومن فيه قول الولي تم=في يوم ماينفعك مال وبنيني
في يوم لو تبكي بدل دمعك الدم=مافيه مهرب من حساب اليقيني
العمر يمضي ياترى كم بقى كم=واقول لو ذلحين موتي يجيني
مدري بوسط القبر باعيش في هم=ولا فرح يجلي هموم الحزيني
اخاف لا حان الجواب اتلعثم=لا قلت ربي ثم نبيي وديني
اما فتح لي باب منه اتنعم=وارى جلوسي في مكانن اميني
ولا فتح لي باب منه اتألم=وارى جلوسي في مكانن مهيني
اما ليا حان الحساب اتبسم=اقرى كتابي شايله في يميني
ولا بكيت وبالشمال اتقدم=ابكي على ماضاع لي من سنيني
يا لله ياللي في عبادك تحكم=ياللي جميع الناس بك تستعيني
طالبك تغفر لي ذنوبي وترحم=وان مت تجعلني من الفايزيني