|
رد: أنـــــــــــــــــا ســــــــــــــــــــــــــــــــبيعي
كُتب : [ 08 - 04 - 2009 ]
اقتباس:
المشاركة الأصلية كتبت بواسطة خيَّال الغلباء
بسم الله الرحمن الرحيم
هذه القصيدة للشاعر / حجرف بن هادي بن حريمل السبيعي :
يا ناشد (ن) عن لابتي والقبيله=أنا سبيعي مشعبي وأرفع الراس
تاريخنا من قبل عصر الفتيله=ثابت ولا يلحقه شك (ن) ووسواس
هاك الصحيح وخل عنك الهزيله=ما همني هرجة ضعيف (ن) وبلاس
سبيع هم أهل السيوف الصقيله=لا جاء نهار (ن) فيه ضاقن الأنفاس
سبيع هم أهل السيوف الضليله=كم في ذراهم عاشت شيوخ وأجناس
دايم يفيدون المهار الأصيله=من قبل أبو زيد الهلالي وجساس
لهم تواريخ ومواقف جزيله=وانشد جيوش الترك وانشد مع الناس
ما عمرهم جابوا علوم الفشيله=لالا ولا تطري عليهم الأدناس
الناس تتبع فعلهم كالدليله=نجوم تهدي من غدا بين الأطعاس
يا بعدهم عن الردى والخميله=ويا قربهم من كل طيب (ن) ونوماس
يكرمون الجار بأحسن وسيله=ولا يلحقه ضيم (ن) ولا يلحقه حاس
يكرمونه بالشحم كل ليله=وينسى من الماضي همومه والأتعاس
عاش الحياه بعز بعد الذليله=ولا عاد يبغى غيرهم دار مجلاس
و ( آلاد مشعب ) وارثين الفضيله=تاريخهم للناس منهج ونبراس
ياما ارتكوا لحمل ما أحد (ن) يشيله=الله عطاهم قوة النفس والباس
عدوهم دايم ونفسه عليله=ياما سقوه المر كاس (ن) بعد كاس
يضيق عنده كل رآي (ن) وحيله=ويخضع لهم ذليل مجبر وينداس
كم شيخ قوم (ن) صار مثل الهبيله=جابوه موثوق (ن) وفي يديه محباس
بعد الرخا تبكي عليه الحليله=وبعد الفرح تلبس عليه أسود لباس
خذوه غصب (ن) ما يبون البديله=في ساعة (ن) للخيل صوله ومرواس
رجال منهم رد ألف (ن) مخيله=نص (ن) أسير ونص طايح على الساس
عند المواقف يكسبون الطويله=وأفخر بهم ما فيه عيب (ن) ولا باس
سلام يا ربعي حماة الشليله=من شاعر (ن) ينظم جواهر كالالماس
صح لسان الشاعر / حجرف بن هادي بن حريمل السبيعي |
مشكور وما قصرت والله لا يهينك
|