رد: قصيدة للشاعر / منـــــــــــــــاحي بن غبيشــــان السبيعي عليه رحمة الله
كُتب : [ 30 - 04 - 2009 ]
قصيدة الشاعر / مناحي بن غبيشان السبيعي من الصمله قالها عندما حالوا ربعه ولم يحول معهم وتهيض بعد محيلهم وقال :-
عند العشي عديت في نايف الراس
= رجمٍ عسى عنه المخايل يميني
يفوح دمعي واردعه بالتنفاس
= ولاني بناسٍ شرهتك يا ظنيني
لاني ببقارٍ ولا ني بغراس
= وشوري على نفسي من الهاينيني
واجهت أنا الطرقي من الراس للراس
= قال اقطعوا خنثل وهم حايليني
قلت الصويب وقال لي ما جرى باس
= الله يجيره من مطيحٍ مهيني
ياما حلا مع جملة الربع مجلاس
= وردن على الشبان والشايبيني
في بيت أبو ماجد حمى قحص الأفراس
= بيته على الفرجه كبيرٍ يبيني
كم واحدٍ فكه والأرياق يباس
= وعادات خالي يحذي المفلسيني
هاجد يفك اللي مع الجو غطاس
= لا من ولد اللاش نسى الفتيني
شيخٍ لنا وأكثر هروجه تقياس
= هاجد عسى تبطي حياته سنيني
وأبو محمد جاره الله من الباس
= يفكك عيراتٍ تصف القريني
وراجح عشير مدرجت قذلت الراس
= وشيوخنا يوم المواقف تبينى
واّلاد صامل فيدهم كل نوماس
= كم شوقوها بالغناء كل حيني
كم ذود مصلاحٍ يقصص بالأرماس
= يلقط قطيعه غب هم كاينيني
مشكور وما قصرت ولا هنت
|