[خيَّال الغلباء]

بسم الله الرحمن الرحيم

إخواني الكرام / أعضاء ومتصفحي منتديات سبيع بن عامر الغلباء السلام عليكم ورحمة الله وبركاته وبعد : يعد الشاعر / محمد بن سعيّد بن مشعان الطنباوي العريني السبيعي رحمه الله وأسكنه فسيح جناته من أبرز شعراء قبيلة سبيع بن عامر الغلباء في الفترة التي عاشها وقد لقّب بشاعر سبيع الغلباء في تلك الفترة ويعتبر من الأدباء الكبار وقد شارك في كثير ٍ من المعارك التي خاضها مؤسس هذا الكيان جلالة الملك / عبدالعزيز بن عبدالرحمن اّل فيصل اّل سعود رحمه الله وأسكنه فسيح جناته والتي أدت إلى توحيد المملكة العربية السعودية وبعد ذلك رافق جلالة الملك / فيصل بن عبدالعزيز رحمه الله وأسكنه فسيح جناته عندما كان نائبا ًلوالده على الحجاز وبعد وفاة الملك / عبدالعزيز تولى إبنه الملك / سعود رحمهم الله وأسكنهم فسيح جناته مقاليد الحكم وكان من المقربين في حاشية الملك / سعود وفي هذه الفتره نظم الكثير من قصائد المدح الرائعة في الملك / سعود وأبنائه وبعد تولي الملك / فيصل زمام الحكم رافقه وأنشد فيه قصائد كثيرة تعتبر من عيون الشعر وعندما توفي الملك / فيصل رحمه الله إعتزل الخوّة وولد الشاعر/ محمد بن سعّيد بن مشعان الطنباوي العريني السبيعي في سنة البكيرية الموافقة لعام 1322هـ في منطقة رماح وكان رحمه الله منذ صغره يقرض الشعر ويجيده وقد برع في جميع أغراض الشعر ومنها شعر الرد إلاّ شعر الهجاء فقد كان يكرهه ولا يتعاطاه وعرف عنه دماثة الخلق والشجاعة والكرم وكان طيلة حياته مخلصا ًوفيّا ً لوطنه حيث تفانى في خدمته في كثير ٍ من المواقع بأمانة ٍ وصدق وإخلاص رحمه الله رحمة واسعة وأسكنه فسيح جناته ويتميز شعره بقوة المعنى ومتانة السبك وسلاسة الأسلوب وفصاحة اللفظ والقبول لدى السامع وغير ذلك من المزايا التي لا تتوفر إلاّ في فحول الشعراء توفي رحمه الله عام 1418هـ عن عمر يناهز السابعة والتسعين عاما بعد معاناة مع المرض رحمه الله ومن قصائده هذه المرثية في والده / سعيّد بن مشعان الطنباوي والذي إشتهر بالكرم حيث كان يوزع إبله على جماعته كل عائلة يعطيهم ناقة يمتنحونها ولذلك سميت إبل الطنباوي بإبل العرينات :-

مـرحـوم يا عـود ٍثيـابـه نظيفـات = ما عاش في درب الردى والخيابه
عشيـر جـاره بالعلـوم الجميـلات = يعطيه من ماله ويرفى جنابه
يفرح به الضيف الخلاوي إلى بات = ما خش بيته فالغباء وإلتوى به
ولا شال بين الربع نمّه ونقلات = ولا سبب الهدّات والا الطلابه
وإلى ركب حمرا ً عليها الكلافات = يقدم مع اللي يحتضون الكسابه
ويحذي خويّه من بكار ٍ وخلفات = يوم إن خطو اللاش رزقه هبابه
عسى محله في رياض ٍوجنات = وجعله يقّدم في يمينه كتابه
الله يخفف عنه يوم الحسابات = يا سامع الطلبه عليك الإجابات

ومن قصائد الشاعر / محمد الطنباوي رحمه الله في مدح الشيخ / وليد بن شويه رحم الله أبا نايف وأسكنه فسيح جناته :-

يا راكب فرت يخفق تخافيق = تخفيق كدري تنشه حوايم
راعيه منجوب يدل الطواريق = مشغول بالمطراش ما هو بنايم
ملفاك أبو نايف زبون المشافيق = في ساعة فيها تطير العمايم
لا جاء نهار الكون في حزة الضيق = يردها ما بين طايح وقايم
له ماقف يرتاح به يابس الريق = فعل لأبوه من العصور القدايم
وكم واحد حقت عليه التحاقيق = دخل وذرعانه عليها الحزايم
أنجاه أبو نايف من الحبس والضيق = بجاهه ومعروفه وقو العزايم
اللي محله مدهل للمطاليق = فيه الشحم والبن والهيل دايم
مقدم بني عمه بفعل وتوافيق = إلى قضّبوا صم الرمك بالشكايم
وربعي هل الغلباء سيوف دواليق = عدوهم يمسي من الخوف هايم
وربعي مروية الغلب بالمزاريق = يوم النشامى بين بايع وسايم
عنا يفكون الحلاق المغاليق = وناكل بهم واللي على الريق صايم
ولنا من السابق سلوم وطواريق = نثور بالملحه وندي اللوايم
وقصيرنا كنه بروس الشواهيق = يمشي وينزل في وسيع الخرايم
والمدح لا جاء الفعل ما فيه تبريق = وكل على حقه حصان الصرايم

ومن أبيات الشاعر الكبير / محمد الطنباوي العريني السبيعي رحمه الله المشهورة قوله :-

يا دارنا يوم الديار تحدد = يحدها العارض على النفود
ويحدنا من شمال ديار علوى = أهل سربة تركض على البارود
وإذا حدرنا فإن اّل معيض احددنا = أسود تاقف في نحور أسود
ويحدنا من جنوب اّلاد زايد = كم واحد من ضربهم مفقود
حنا بني عمر من اّلاد عامر = يوم إن ذا طارد وذا مطرود
لا أحد طمع فينا ولا أحد هازنا = وحدودنا منها الرجال تحود
حامينها بالسيف مفتوق الشبا = وصنع القلينز وحربة في عود

ومن أبياته رحمه الله :-

يا وجودي وجد مـن هِمّـل بجـوّه=فـي مطاحـه جنبـوه النايرينـي
عقب ما يمشي على صـحٍ وقـوّه=حطّه الله فـي يديـن المبغضينـي
صاحبي بأقصى الضماير شب ضوّه=وأفرغ الملّه علـى قلـب الحزينـي
عارفٍ نـوي وأنـا مـدري بنـوّه=نيتـي وحـده وعـنـده نيتيـنـي
يالطيف الروح مـا فيكـم حمـوّه=كيف ما ترحم وقلبـك مـا يلينـي ؟
شبه وضحا خططت بهـلال فُـوه=مـع فريـقٍ للغبايـا حادريـنـي
يا عشيري ما بغيـت اليـوم سـوّه=يوم مقدوري عليكم شـوف عنـي
لا تورّي صاحبك هـرج الجفـوّه=ما بذا حق الخديـن مـن الخدينـي
يحسب إني يوم أجي بيتـه جـروّه=ما درى إني منهبـل يالمسلمينـي !
يا حبيبي ما بغيت اليوم سوه= يوم مقدوري عليكم شوف عيني
لا توري صاحبك هرج الجفوه= ما بذا حق الخدين من الخديني
ماخذٍ نوي وأنا ما أخذت نوه= عندنا نيه وعنده نيتيني
شبه وضحى خططت بهلال فوه= لا رفلت تبغى القلوط الأوليني
يا وجودي وجد من همل بجوه= في مطاحه هملوه النايريني
عقب ما يمشي على حيله وقوه= حطه الله في يدين المزهديني
صاحبي بأقصى الضماير شب ضوه= وأفرغ المله على القلب الحزيني
يحسب إني يوم أجي بيته جروة= ما درى إني منهبل يا المسلميني

ومن أبياته رحمه الله :-

على البحر وقفت وقت الغروبي=في موقفٍ ما فيه كود الغرانيق
هب النسيم وقام يومي بثوبي=ما أحلا نسيم الموج للخاطر الضيق
نسيـم يفتــح للمولـع دروبي =لأهل الهوى والحب يفتح طـواريق
بغيت أوسع خــاطري واحظبوبي = ربــع (ن) يفكـون القفـول المغاليق
تواردوا من كــل فـج وصوبي = والكــل منهم دقـق القول تدقيق
أحد (ن) يقـول الحـب نــار (ن) شبوبي = نار (ن) سناها يحرق القلــب تحريق
وأحدٍ يقول الحب سلوى القلوبي=ولا يعشق الغفلات كود المطاليق
وأحد (ن) يقول إن طعت شوري تتوبي = وتعيش في دنيـاك بين المخاليق
وأحد (ن) يذكــرني بــذاك العجوبي =الصــاحب اللي فتق القلب تفتيق
لا من ذكــرته قمت أحسّب ذنوبي = متحمّل بالحيــل حمل فلا أطيق
والله يا لولا الخوف وأدرى العيوبي= وأخاف من هرج الخبول المطافيق
إني لوقف لـه بكــل الــدروبي=وأجيه لو هو بحزة الكره والضيق

منقول مع خالص التحية وأطيب الأمنيات وأنتم سالمون وغانمون والسلام .