سوق الاسهم وما ادراكما سوق الاسهم
مراسله بين الشاعر محمد بن ماضي الحقي السبيعي والشاعر ابراهيم سعد السبيعي أثنــاء هبــوط سوق الاسهم
يامحللـة الخسائـر بسـوق الانهيـار=علومني سوق الافلاس وش هي قصتـه
كـل ماقلنـا تشالـى ورد الاعتـبـار=رد راسه للردى وانحـدر فـي غبتـه
لف بالعالم خبيث النبـاء ثـم استـدار=بعد حـط اموالهـم كلهـا فـي ذمتـه
الغني مثل الفقير اصبحو طـلاب ثـار=يطلبونـه ميـر مـن يقبضـه لايفلتـه
بوسعد وش رائكم بعد ماحـل الدمـار=حسنته مع سئيته حطهـا فـي جعبتـه
استيشرك ياحيكم ٍِ ليامـن شيـر شـار=وانتظر شورك عساء الخير لي في جيته
تمت الابيات والحـر يفـزع للحـرار=لاحداه الوقت ثـم فيـه شانـت نيتـه
رد الشاعر ابراهيم سعد السبيعي
حسب معرفتي وفهمي بعبـر بااختصـار=من الشعر حكمه وانا ماابغي الا حكمتـه
وقبل لاقرر على الغير انا اولى بالقـرار=سوق الاسهم ذا قراري واقـرر تركتـه
يكفي اللي صار لي صار لي والنوم طار=وكل مؤمن من جحـر ماتكـرر لدغتـه
يابو ماضي بين الوقت مايخفـي الستـار=كل يـوم يبيـن ماكـان تخفـي طيتـه
اتضـح معـاد فيهـا يميـن ولا يسـار=مشكلة سوق الخسائـر ماهـوب بهئيتـه
التحكـم فـي يديـن الهواميـر الكبـار=هي لبو واللي تبي من الاسامـي سمتـه
الوضع مدروس لاشـك مافوقـه غبـار=والكثيـر مـن الاجاويـد راح اضحيتـه
كم وكم من راح فالغاربه جعلـه مجـار=الله انه يعـوض مـن راح فيهـا جنتـه
ابتعد من سوق الاسهم مامن الاسهم عمار=مابنتـه العـام فالعـام هــذا هـدتـه
سوق ٍِ اقشر يسحت المال في وضح النهار=يابوماضي شايـف ٍِ خيـر طبـه تركتـه