[خيَّال الغلباء]

المشاركة الأصلية كتبت بواسطة خيَّال الغلباء

بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم هذه القصيدة التي اطلعت عليها في أحد المنتديات فأعجبتني ولم أتعرف على قائلها والذي تقول فيها :-

ما كـل مــــــن يركب على الخيل خيال= ولا كل خيل تعجبك هـــــي أصيــــــــله
ولا كل من يعجبك هرجـــــه برجــــــال = بعض العــرب ملـــــسون وإيـده بخيله
الكــــــــــل يلبس ثوب وشماغ وعقـال= وعند اللزوم افعالهـــم هـــي قليــــــــله
الرجـــــل تثبت لـــــه أقاويـــل بأفعـــال= لا قال شـــيء ونفـــذه هـو دلــــــــــيله
والرجل لا شفته مــــــع القيـــل والقال= أبعــــد عنه هذا صفاته عليـــــــــــــله
والكــــــذب خله عنك مـــــا فاد لو طال = قول الصدق يا صاح غنم وجميــــــــله
وخلك شجــــــاع وذي صفات للأبطال = اللــــي كما ســـيف تبارق سليـــــــله
واللي شــــــراك اشريه لو كان بالمال= خلك معــــه وإن مــــــال دور بديلـــــه
واصبر ترى الـــــدنيا تبدل بها أحوال= وما كل شيئ صافي تشـــــوفه تجي لـه
وبعد الكــــدر تشرب صفا عذب وزلال= هذا الزمـــــــــن فيه استــــقامه وميله
وصاحب خليل لو جفـــا الوقت ما مال= ترى الرجل يعرف بقيمـــــــة خليــــله
واقفل على ســــرك بكتمـــــان وأقفال= بعــــض العرب يسمع وينوي بحـــيله
وخلك أميــــن إذا توليت الأعمـــــــال = من خان في يوم الحشـــر يا حليــــله
خل التواضــــــع فيك واضح بالأفعال= ترى الكبــــــر يردي بيوم وليـــــــــله
ولا تحســـد اللي عنده أموال وعيال = وش ينفعك لو كان حـــسدك يزيلــــه
ولا تزور تقلب الزيـــــــن بطــــــــال= الله عليـــــــــم بالنوايــا الدخــــــــيله
وخلك رزيـــــن ترى المخفه للأطفال= واصفح عن المخــطي ولو زاد قيـــله
واحمل همومك لو تزن وزن الأثقال= بكره تروح وتنجلي لو ثقــــــــــــيله
وصل الفــــروض ولا تنسيك الأشغال = ما أحد (ن) في الدنيـــا درى وش بقي لــه
وزور الأقارب للرحم كون وصـــــال = وخلك عظيم الشان وسط القـــــبيـله
وصلاة ربي عد ما هل همـــــــــــــال= على النبي اللي صفـــــاته جلــــيلــه

منقول مع خالص التحية وأطيب الأمنيات وأنتم سالمون وغانمون والسلام .

حزم الجلاميد جزاك الله خيراً ولا هنت