بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته
هذه قصيده ابن حذيان الزعبي في ماكن بن مشرع الهويج القريشي قصيده منقوله وارجو ان تحوز على اعجابكم
سلامي على من حطله بالفخرعنوان=رفيقن عن دروب المناعير مامالي
وانا لا مدحته صادق ولا بها بهتان=الا كيف مامدح صلب ماضين الافعالي
سلايل هل الغلبا بكبد العدا بركان=وعلى الصاحب احلى من طعم سكرن حالي
وتشهد لهم كل العرب ساعة الاكوان=نهارن الا ياوين من يحمي التالي
هذاك الذي نادر مثيله تشوف انسان=ومتنه لجور الحمل بالعسر شيالي
سلامي على ماكن عدد ماانسكب ودان=وتحيا به الريضان من عقب الامحالي
ياراعي خيار الشعل ماهي كما الذيدان=بها من وصوف الزين للناظر اشكالي
طوالن تنومس من وقف جنبها يااخوان=وجرد الرقاب وروسها تذهل اذهالي
وتشوف السنام المنتكس يالله الغفران=ومع زين مشيتها قصيرات الاذيالي
ابعجز بتعديد المزايا بلا حقران=بذود العرب مير ان هذي بها اهوالي
وزايد حلاها يومها ملك لكحيلان=عريب الجدود اعمام والا من اخوالي
عسى الله يبارك في مطر نجد والصمان=وترعى به البل واخضره يبهج البالي
بنبت الخزاما والنفل تفرح البدوان=وكلن يشيل القش للبر رحالي
وصلو عدد ما رفرف الطير بالجنحان= وعدد ماتعلى صهوة الخيل خيالي
على الهاشمي المصطفى من نسل عدنان=شفيع امة الاسلام في يوم الاهوالي