[جاك العلم]

أخواني المحترمين اولا اشكر كل من نقل الرواية عن حسن نية :

دام الموضوع كثر فيه الهرج والمرج حاب اوضح الحقيقة المره وليست كلها لان السبية كلن يبى يتمسك فيها :

بالنسبة للراوي عبدالعزيز الحمد نعم كانت روايته فيها من الحقيقة الشي الكثير واصحح معلومته بان الجميميل لم يكن معه سواء سته واصبحوا خمسة ولم يكونوا اربعين - وعساف ابوثنين ليس مناسبا لبن عريعر - يااخوان حنا اهل السالفة ونعرفها اكثر من غيرنا وبوضح بعض الشي عساف ابوثنين راح لبن عريعر لوحده واردف معه واحد من جماعته فقط واسمه معروف وهذا الشخص يقول في كلامة يوم اصبحنا الصبح يقول الشمس ما بعد شق نورها لان جانا من جانا البارح وقال ان بن عريعر بيذبحهم المهم صبحنا بن عريعر ورحبنا وقبل القهوه سالة عساف عن المربطين وقاله والله ما دريت انك بتجيني فيهم كان ما قتلناهم قال انا ابي شخص واحد فيهم مال لامة الا هو قال كلهم ذبحوا ويقول شربنا القهوه والا ما شربناها ركبنا ذلولنا وانا اشوف رفيقي مهوب مثلة قبل نجي بن عريعر قال وحنا نمر الجميميل وربعه مذبحين وكل واحد ليس بعيد عن الثاني ولكن دمهم توه ودراء عساف انه ذبحهم قبل نجيه وقفنا عليهم شوي وبعدها ربط غتره وتنخوا بابن على وبعض الكلمات التى احتفظ فيها ولم يكلمني ولم اعرف ما يدور في راسه حتى وصلنا ونزل وحالة مهوب طيب وتغير على رفيقي وشفيك وما يرد على المهم الموضوع طويل في هذا ولكن اوعدكم بان يجي يوم ويتضح كل شي ولكن ليعلم بان من ارسل اللى الامام تركي والسهول والقرينية ومن بنى بيت الحرب ومن اشعل الهمم في مشايخ سبيع وحثهم على محاربة بن عريعر ولم تجتمع سبيع كلها بني عمر وبني عامر اللى على وقته هو امير سبيع وزعيم السبية الامير / عساف ابوثنين الله يرحمة .

بعيد المغازي اهلا وسهلا فيك وقولتك ان السبية كما يرويها اهلها وتستشهد بشيبان الله يرحمهم قد توفوا تراها ما تمشي علينا حتى وان اكثر كلامك صحيح وبقولك شي :
حنا ترانا اهل السبية ( بني عمر ) وليس بني عامر انتم فزاعة والسهول فزاعة والقرينية فزاعة والباقين بدون ذكر اسم فزاعة - ويوم استوت جيتنا وبيض الله وجيهكم وفعلكم المشهود ما احد ينكره ما هو لعب ورعان وحكي فاضي الفزعه مشهودة وفعلا ابرت الغليل من الفعل اللى فعلة بن عريعر للجميميل وربعه .

اسمع يالصييفي والله لو ما تركد اني لا اركدك واعلمك زين منهو فهيد الصييفي لا يغرك القبر وغيره العلوم ادهى وامر من ذلك - زين بعد ان علاقته بابن عريعر خلته يسحب بن مجرور منهم لانه من الخضران والباقين من الصعبة ترانا نسكت على امور كثيره لا تبحثها الزم الصمت وخله شيخ النبطة من عرض سبيع .

في الختام ما ودي ادخل في مواضيع حنا في غنا عنها لكن ليعم الجميع بان السبية على بني عمر وخاصتا الصعبة لانهم هم اصحاب الدم وسبيع الباقين هم السند والحزام والفعل كلة يعتبر لسبيع حنا ما ننكر هذا الشي ولكن في الفتره الاخيره صار التمريس واجد وسكتنا عن امور واجد وراحت بعض الامور لغير اهلها واتضح ان بعض السكوت مالة داعي لابد من توضيح الحقيقة لو انها مره .