[ابن جـــــــراح]

اخواني الكرام

السلام عليكم ورحمة الله وبركاته

رايت طرح لاحد الشباب في احد المنتديات لهذه القصيده وقد رد عليها شخصين كل واحد راد بثلاثة ابيات واحد اسمه الطير عقاب والثاني اسمه اسير الليل ورديت بدوري عليها رد ومجاراة للشخصين الآخرين

الاول قال :

واهني من حط في حظنه مزاجه"=" من بنات الشام ماهي ببدويه
لامشت بالجنز ملبوس الخواجـــه "="في سواحل سوريا بالاذقيـه
بنت عود لاذبح يذبح دجاجـــــه"=" ذبحه الفروج عنده شــــاذلـه

ورد عليه الثاني يقول :

ياردي العرف ياوجه الدجاجــــه "="وش يعرضك البدو أهل الحميه
انقلع في لعنتك يا أبا السماجه"=" حط خشمك بين ردفين الشطيه
انت وطى على راسك خواجـــه"=" لاتعرض بنت راعين الحميـــــه

ورد عليه الثالث بهذه الابيات :

مرحبا ياعقاب ياراعي الدباجه"=" ياعريب الجد ياراعي الحميه
لايهمك شاعر فيه السماجـــــه"=" لاكتب عنا بدو ولا احضريــه
شعره اللي كاتبه نرفض رواجه"=" ونرفض اللي دايم نفسه رديه

ثم جاء ردي بهذه الابيات
راجيا من الله ان تحوز على رضاكم

مرحبا يا عقاب يا مضوي سراجه "="في دروب المرجله قايد سريه
والاسير اللي بدة لي فيه حاجه "=" صارم بتار في وجه الرديه
كل منكم فارد ربي حجاجه "=" سايقين الطيب من فوق المطيه
ويش ترجي من ورى ضابط مزاجه "=" غير علمن قد ورد فالجاهليه
ويش ترجي من عقب فك الزجاجه "=" غير هرج من ورى عقله شويه
ليته اسكت من قبل ذيك السذاجه "=" مير جاب العيد مظهر للهويه
جاهل(ن) مسكين عينت اندماجه "=" عند بنت اللي يحوفون الشويه
بنت منهو للخنا فاتح حراجه "=" يلعن آبو جنس هذيك البنيه
امها تعرف وابوها فاندراجه "=" ما درى وش جاب في ذيك السويه
ويش نرجي من شرب كاس الخواجه "=" لا مراجل لا علوم ولا حميه
شاعر عوّد على قول السماجه "=" كفوه انه من تحت هاك الشظيه
يوم عوّد للردى وش هو خراجه "=" عند ربه كاسب شر البليه
والختم تعداد ما بالارض داجه "=" من بشر صلوا على خير البريه

وتقبلوا خالص تحياتي