[بن قحيقح]

بسم الله الرحمن الرحيم

قصيدة رثـاء للشاعر / سالم بن محمد المطوع السبيعي في خاله الشيخ / محمد بن حزام بن قحيقح رحمه الله رحمة واسعه وأموات المسلمين حيث أن الشاعر / سالم بن محمد حاليآ في دورة عمل في بريطانيا وأبى إلا أن يشارك في رثاء خاله ابن قحيقح والشاعر / سالم بن محمد المطوع كان قريب جدآ من خاله الشيخ / محمد بن حزام بن قحيقح رحمه الله وكان يعرفه حق المعرفه وهذه الأبيات كانت نابعة من قلب رجل صادق ومحب للشيخ / محمد بن حزام بن قحيقح رحمه الله :-

والله ما جاني مـثل موتـة الخال =ولا حزنت إلا على موت خالي
ذاك الشجاع اللي على الناس ما عال =ما خبرته في قفا الناس قالـي
له موقف لا شاف رجـال رجـال =يعـد فعله للرجال الرجالـي
سليل شيخ مع هـل الخيل خـيال =ابن قحيقح محتمـي للتوالـي
عليه دمع العين يا حـزام همـال =فقده بقالك يا حـزام وبقالـي
عفيف غير الصدق يا حزام ما قال =وكريم لا جاء للكرامه مجالي
حريص في دينه لجزلات الأفعال =ولا له الدنيا غدت راس مالي
ما همته فـي دنيته يجمع المـال =ولا لخوه يقول ذا لك وذا لي
قلبه نظيف من الحقد ما بعد شـال =وجاره يقدر فوق قدر العيالي
لعل في الجنه يلاقي لـه ظـلال =ويكون عند الله بمنزال عالي
ولعل ما يبقى مـن الذنـب مثـقال =وقبره يوسعله عزيز الجلالي
يشهد له المسجد وصومه والأعمال =ويشهد سجوده في جميع الليالي
يا حزام ما جاني مثل موتة الخـال =ولا حزنت إلا على موت خالي