[خيَّال الغلباء]

بسم الله الرحمن الرحيم

هذه مرثيه في والدي قالها الشاعر / جبر بن ضيف الله الحربي عسى الله أن يغفر له ويرحمه ويتغمده فسيح جناته وموتانا وموتى المسلمين اجمعين :-

يا الله يا اللي تجــزي الــعــبد بأعــــمالـه = تـغـفـر ذنـوب مـوهــنـي ثقل هــــنـه
شــفــت الــعــريني حــزين وضايق بالــه = من شان فقد الرفيق اللي على ظنه
الـلـي إلى قـــربــه لـلـحـمـل يـشـتـالــــــه= مـا قـال صـبـرك علي أظنه أظــنـــه
أول إذا جــاء لــــزومــه كـــز مــرسـالــــه = والـيـوم كـل الـرسـايـل ما يطولــنـه
بـيـنـه وبـيـنـه لــحـود الـقـبـر مـنـهـالــــه = عــلــه فـي مـلـة ابراهـــيم والســنه
عـبـدالله مـحـمـد حـمـيـدان يـدعـى لــــــه= يالله عسى منزله في عالي الجــنه
يالله عــسى جـنـة الـفــردوس مـنـزالــــه = حـقـه مـن الحور في عرسه يزفــنه
عسى العوض فيه يظهر لك من أشــباله= قـــرم دروب الـــرجاله ما يطوفـنــه
ياقــف مــثــل ماقــفــه ويمثل أعـــمالــه = وإليا عطى من حلاله ما ألحقه منـه
يا أبــو مــشــاري تــرى الأيــام خـتـالـــه= كـــم واحـــد ضــحــكـنه ثم بكنــــــه
كـــم واحـــد راح قــبـل يقـضي أشغـالـــه= عـنــده مـشـاريع جـبـاره تركهــنـــه
الأجـــــل وافــاه قــبــل يــودع عــيــالـــه = حــتى وصــايــاه روح ما كتبهـــنــه
وصلوا على الصادق المصدوق بأقوالـه = محمد نبي الهدى والشرع والسنــه

وسلامتكم لكم خالص التحيه والتقدير . ابن جراح الله يرحم والدك وجزاك الله خيرا ولا هنت .