[خيَّال الغلباء]

بسم الله الرحمن الرحيم

سلام يالغلبا عدد ما بدى النور=وعداد ماهل المطر من مزونه
سلام من رجل ورى الباب مقهور=لمن كل نام تسهر عيونه
أندب اسبيع اللي لها العز منشور=ندبة سجين سكر الباب دونه
تكفون يالغلبا لكم فالوفا دور=قسم لكم كل البشر يخبرونه
رجالهم دايم على الطيب مامور=فضل من الله دايم يكسبونه
الكل منهم ينكر الظلم والجور=ما يقبلون الناقصه والمهونه
طلعاتهم فوق الكواكب من عصور=من قبل أبا زيد الهلالي ودونه
وقت الشجاعه ينكسر كل طابور=كم من خصيم بالسهل يجدعونه
عدوهم كبده بها مر وحرور=يمسي ويصبح زايدات (ن) اغبونه
صويبهم ما عالجه كل دكتور =يبقى عليه الذيب يرفع لحونه
مركاظهم يشبع به سباع وطيور=تاخذ ليالي ربعت في غصونه
هذي أسود فالقى مالها سور=اللي تنوش يدينهم ياكلونه
خيالهم فالمعركه دوم مسطور=القلب ساطي والمواقف تشونه
قصيرهم معهم على عز وسرور=من طيبهم في مالهم يخشرونه
يامن على بيته من العمي والعور=يشهد بها اللي للمخاليق عونه
خويهم ما يشتكي منهم اقصور=بالعود الأزرق والشحم يكرمونه
الضيف لا جاهم له المال منثور=كم من قعود لضيفهم يذبحونه
دخيلهم ما يقربه كل ممرور=يرجع شفاته قطعتها سنونه
إن كان مد يديه فالقبر محفور=اللي دخل بوجيهم يحتمونه
من وقتنا الأول إلى نفخة الصور=لو كان وصلوا للسماء ما يجونه
حنا هل الطلات والفعل مشهور=كم واحد خصم (ن) لهم يعتقونه
عتق لوجه الله والعلم مخبور=شي موكد والملا يشهدونه
مثل فهد عله من الباس ماجور=سبقبها قبل العرب يسبقونه
الشرط الأول قال يا جار معذور=والشرط الاّخر بيتهم يسكنونه
هذي شروطه عله بجنة الحور=في ساعة كل البشر يطلبونه
يالله عساه بشرحة الصدز مسرور=لعل ربعه لا لفو ياجدونه
وغيره ولد سحمي به الطيب مذكور=محمد اللي بالوفا يشكرونه
عفى لوجه الله ما هو بمجبور= رجواه فاللي كلهم يرتجونه
ويا نعم يا شارع من العز مغمور= أنته وربعك فعلهم ينشرونه
ثم بعدها من قلب ولسان وشعور=هذا كلامي بالسمع تسمعونه
اختامها العنبر مع العود وزهور=زهور ورد دوبهم يقطفونه
وصلاة ربي عد ما يبدي النور=على محمد عد ما أنشت امزونه

الله يفرج له ويعتق رقبته ويسخر سبيع الغلباء .