إهداء إلى الشاعر / ناصر الفراعنه من الشاعر / محسن الريس
كُتب : [ 07 - 07 - 2009 ]
سلام ياللي يرفـع الـراس طاريـك=ياللي مرادك فـي النهايـه مـرادي
يالحـر ياللـي عاليـات مجانـيـك=ياشاعر السبعان مـا انتـه بغـادي
يفداك من راعـك ومـن راعنافيـك=وانـا ولدرسـام سقـم المـعـادي
شاعر سبيع وناصر سبيـع واخيـك=ابشربهـا حميـا ومـلـح(ن)وزادي
ابوظبـي ومليونهاافـدا مواطـيـك=والبيـرق اللـي لوثتـه الايــادي
بيض دجاج المزرعـه واذن الديـك=وطارت بالارزاق الطيور الشـوادي
مطيـتـك نيـتـك والا سمـاريـك=بلـعـون مــا لوثتهابالـسـوادي
مر(ن)تباريهـا ومـر(ن) تباريـك=للمجـد دوم(ن) سارعـي يابـلادي
انا سبيع ومحزمـك فـي هقاويـك=ارقا سنود ورايـك اهـدا وسـدادي
والعـز لسبيـع ولا فيـه تشكـيـك=مرسيـة حكـم الامــه عـنـادي
ربعي هل الغلبـا وذراهـا يذريـك=وانته وانـا مـن روسهـا يافـؤادي
اليا زعلو ازعـل ويفـداك شانيـك=واليا رضو ارضاوقل الامر عـادي
تجلي تجلي ياهجوسـي مثـل ذيـك=شمس الصباح وقادح(ن) من زنادي
افتل بيوت الشعر ياشاعـر الشيـك=ماتنقضـه شعـار كـل الـنـوادي
فيك اتحـدا ياشعـر فـي معانيـك=هايم مـع الشعـار فـي كـل وادي
بنات فكري شـرد تظمـا وترويـك=كم من بخيص(ن)في المعاني استفادي
يالشاعـر اللـي ماتغيـر مباديـك=موضات عصر اليوم منتب احـادي
حر كفـخ فالجـو جـاره يجاريـك=مخالبه تشبـع فـي وقـت الهـدادي
ياليل ياساري علـى مـن يناجيـك=الشعـب عامـر دولتـه وانقيـادي
سريت مسرا الذيب واربع سواريـك=اسهرتها وتصيـد فيـك وتصـادي
ياباغي ارضا الناس كايد ويعطيـك=ارضا الله قلوب البشـر والـودادي
في ذا الزمن مادون حلقـك اياديـك=وانـا سواتـك دون حلقـي ايـادي
ياذا الزمن جربـت مـرك وحاليـك=بين السما العالي والارض الجـلادي
ان ما هداك الله فلا احد(ن)بهاديـك=هذا الكـلام اللـي عليـه اعتمـادي
|