أمر وألد وأسلم على شويه = لو كان محد درى عني ولا شافي
من حب اهلها على المعلوق ملتويه = قومن لهم في علاو المجد ميقافي
يوم الجهل والظما والذيب له عويه = يرعون قفر النبات بحم الاشعافي
قحص الرمك في الحمى تاخذلها دويه = من فوق روس العدا تسعى وتطافي
نفسي على مدحكم بالحيل مهتويه = في مدح حاضركم وفي مدح الاسلافي
هذي طروق الوفا والطيب مستويه = اشوفها قدم عيني ماانظر خلافي
لاكن ياهاجس الشعر انجح الكويه = في شرد الغيد دامن الهوى صافي
واطلع بنبنوبتن في الري مرتويه = لجت عصافيرها في كل الاطرافي
خابرك تاصلها لو دونها هويه = لا عود اللي يبيها والقدم حافي
دايم عزومك على الصلفات مقتويه = حتى توقف على الحيران عطافي