[خيَّال الغلباء]

بسم الله الرحمن الرحيم

قصيدة في المقدم / محمد بن جدوع الرويلي :-

ياللـه بدايـة خيـر والـدنـيـا كفــى اللـه شرهــا =نـجــري بـهـا لكـن دنـيـاً طـوال احبـالهــا
من ذاق حلـــو أيامهـا لا بــد يشــرب مــرهــا = دنيـا دنـيـه فال ربـي خـيـر لـي مـن فالـها
يالـله تكفينـا مصايبــها وتــــــدفـع ضــرهــا =إن ما كـفـيـت العـبـد مـالـه حيلـتـا يحتـالهـا
البـارحـه قامـت هـواجيـس الضلـوع اتفـرهـا = ثم أربكتني لين صـرت ابحالـة (ن) يــــرثى لهـا
تواقدت وسط الضلوع اوصار يشعل حرهـا =وأقول بصبر والحمول الكايـده لــــجمالهــا
وإن ضاقت الدنيا بوجهـي بحـرها مـع بـرهـا = قمت أتذكـر للرجـال اللـي تسـر أفـــــعالها
ونصيت ابن جـدوع يقراهـا ويعـرف سـرهـا = حيثه مـن ارجـال (ن) تميـز دقـــها واجلالهــا
نسل الشيوخ اللي على العدوان ياصل شرها = والله محصي لو كتبت ولو ذكـرت أفعالهـا
خيالـة العليـاء زحـول ارجـال لله درهـــــــــا = قوم (ن) عزيزة والله اللـي رافع (ن) منـــــزالهـا
قلتـه وقيفـان القـصيـده تـفـتـخــر لا مــرهــا = شرواك وأهل الطيب تستاهـل وكل (ن) قالهــا

أخي الكريم الفاضل الشاعر / مثيب بن مطيحن الصندلي السلام عليكم ورحمة الله وبركاته وبعد : شكرا جزيلا لك من الأعماق على هذه الأبيات المعبرة ويستاهل المقدم / محمد بن جدوع الرويلي راع العلياء ولا ياقف للملازيم يا كود الرجال واللي ما يسر ما يضر وصح لسانك وسلم نبضك وبنانك وإعتلا شانك جعلها الله في ميزان حسناتك يوم لا ينفع مال ولا بنون إلا من أتى الله بقلب سليم والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق شكري وامتناني مقرونا بجزيل محبتي واحترامي والله يحفظكم ويرعاكم مع خالص التحية وأطيب الأمنيات واسلم وسلم والسلام .