|
ياذيب ياللي جر صوتك عوابه ..
كُتب : [ 31 - 08 - 2009 ]
السلام عليكم ورحمة الله وبركاته
تزوجت فتاه من قبيله اخرى غير قبيلتها وحدث عداوه بين القبيلتين بعد المصاهره
واراد اخوا الزوجه ان يغير على ابل قبيلة اصهاره فاتفق مع اخته ان يغير ليلا وعندها سيعوي عواء الذيب وتجيبه اخته بابيات لتخبره مكان الابل
وعندما وصل الى مشارف الحي رفع صوته بالعواء فقالت اخته الزوجه
ياذيب ياللي جر صوت (ن) عوابه
مادري ظما والا من الجوع ياذيب
ياذيب لاتطـردك عنـا المهابـه
طرش العرب بالبر كله عوازيـب
تلقى العشا لك في خشوم العقابـه
في روضة الرواح وان تهت ياذيب
فسمعتها ام زوجها فظنت انها تعطي موعد لعشيق فقالت العجوز
يابنت حـذرا لايعظـك بنابـه
ترى معض الذيب مابه تطابيب
تريك مثل البكره اللـي جلابـه
لياحافها السوام يلقـى عذاريـب
يخلي جنابك مثل دار (ن) خرابه
تصير للفار المخرب ملاعيـب
فردت الزوجه على هذه العجوز لنفي الاتهام الموجه لها بهذه الابيات
وحياة جلاب المطر من سحابه
اني سليمه مابعد عظني ذيـب
واللي ظلمني جعلها في شبابـه
وتحدره من عاليات المراقيـب
انا كما عد(ن) عـذي شرابـه
ماتارده بالقيض حرش العراقيب
سبع العجايز دايـرات لمعابـه
سود المقانع يابسات العصاليب
وبذلك حققت مطلب اخيها ونفت التهمه عن نفسها
و سلااااااااااامتكم [/QUOTE]
|