[عبدالله القريشي]

مل قلبٍ كل ماهب نسناس الصباح = قام يلعبه هواء الشوق لامن هب نود
قام يكفخ كنه الطير مذلوق الجناح = لاتذكرداعج العين مركوز النهود
صاحبٍ من عقب فرقاه قلبي مستراح = ماوصل يمه سلامي ولاجاني ردود
يوم شفته في حلا النوم سلمت السلاح = مثل ماسلم معمرسلاحه لليهود
والهواء من عصر ابو زيد طاروقه مباح = ما وقف دونه مراكز ولاشرطة حدود
ياعيون اللي على الوكريدعونه فلاح = لاقنصبه راعي الصيد باطراف النفود
لاجل حبك ياً ريش العين واصلنا الكفاح = ماعلينا من سوالف ولاكلمت حسود