رد: مرثية الأمير / خالد الفيصل
كُتب : [ 21 - 09 - 2009 ]
شكرا جزيلا لك وإليك هذه القصيدة من أروع مرثيات الأمير / خالد الفيصل في والده الملك فيصل رحمة الله وأسكنه فسيح جناته :-
لا هنت يا راس الرجاجيل لا هنت
= ولا هان راسٍ في ثرى العود مدفون
والله ما أحطّك بالقبر لكن آمنـت
= باللي جعل دفن المسلْمين مسنون
منزلك يا عزّ الشرف لو تمكّنـت
= فوق النجوم اللي تعلّت على الكون
سكنت دار المجد يا شيخ واسكنت
= شعبك معك في منزل العزّ ممنون
صنت العهد ياوافي العهد ما خنـت
= علّمتهم وشلون الأشراف يوفـون
كم ظالمٍ عاداك وأعفيت وأحسنت
= وأخلفت ظن جْموع ناسٍ يظنّـون
شلت الأمانه حافظٍ مـا تهاونـت
= شفنا بك رْجالٍ على النفس يقوون
ياللي طلبه الملك بالحـبّ زيّنـت
= عرشك بتاج قْلوب شعبٍ يحبّّّّـون
لوّنت تاج الملك مـا قـد تلوّنـت
= ما غرّتك دنياك ما صرت مفتـون
بالزهد والمعروف والصبر كوّنت
= منهاج فيصل منهج االلي يعدْلـون
تلفّتت روسا لخلايق ويـن أنـت
= وين العظيم وعوّد الشوف مطعون
كم خافقٍ وقّف عقب مـا تكفّنـت
= وكم ناظرٍ ذوّب سـواده محـزون
لو شفت حال النّاس عقبك تبيّنـت
= مقدار حبّ النـاس للّـي يـودّون
ممّا بقلبي قلت يابـوي لا هنْـت
= وإلاّ انت فوق القول مهما يقولون
منقول مع خالص التحية وأطيب الأمنيات واسلم وسلم والسلام .
|