غابت ثمان سنين حلِ وترحال=غابت ثمان وكلهن مدلهمه
وسألت عنها سنين وشهور وليال=ولابه قفار ألا وتوجهت يمه
وعقب الثمان اللي شقاهن براى الحال=جاب الزمان الكارثه والمطمه
جاني ولدها مبتسم بين الاطفال=ومن بسمته ذكرت انا بسمة أمه
وناديت له ودمعي على الخد همال= ومن كثر شوقي قمت بالحيل أضمه
وساعة حضنته والطفل في يدي مال=شميت ريحتها على اطراف كمه
واليوم بنت الناس بيدين رجال = وعشقِ على غير الشرف لي مذمه.