والنعم بك يا راشد الخثلان وتستاهل يبو فيصل::::
بعض ابيات من قصائد قيلت في ابو فيصل :::::::
يقول الشاعر / ربح السبيعي
مني لبن خثلان راشـد تحيـات @@@ احلى من السكر وصافي عسلها
الطيب اللي له مع الطيب وقــفات@@@ وقفات عـز وعـز منهو عملها
نسل الكرام مجــددين الكرامــات@@@ العلـم غانـم والمعــالــي نهلــها
الطيب في الأجود دايم وعـادات @@@ماضي وحاضر كل راوي نقالها
ياواصله مني لنا فية هقوات @@@ وابن الرجــــال الطيبة ماخـــــذلها
موضوعنا يحتاج وقفة وفزعات @@@ وانتم هل الفزعات وانتم اهلها
وقفــة عريب الجد وقت المهمات@@@ تشفي الكبود اللي كثيرة عـللها
نبغـــاك حسب الجهد والإستطاعات@@@ اتحقق اللي مبطية في فشلها
حنــا تعبنا بين روحة وجيــــات@@@ وبين الوعود وطـــولها مع مللها
والحر مــثلك يفتــهم بالإشــارات @@@ والله يــوفق للحمــوله جمــلها
وختامها مني تقبــل تحيــات@@@ احــلى من السكــروصـافي عسلــها
ويقول الشاعر/ مسفر القحطاني :::
سلام ياشيخ دعــاني له الطيب@@@ كالصقر لاعــدى الرجــوم الطويله
شهم كــريم وافــي في المواجيب@@@ يامطيبــة لاجــى نهــار الدبيــله
انتم بني خثلان صقور المراقيب@@@ واصبحت في خثلان عقيد القبيله
ابو فيصــل وافي ولا يلحقــة عيب @@@ هو شيخنا اللي ما نــدور بديله
يبو فيصل بطلبك بعض المطاليب @@@ ما غيرك احــد للحمـل يرتــكي له
غريب في الحـاير ومالي معازيب @@@ حتــى السكن غــالي ولابه وسيله
وأمي مريضة والليالي مصاعيب @@@والحــظ طــايح والـمـوارد قــليلــه
أعانق همومي وكسا رأسي الشيب @@@وأصبحت ياراشد بوسط المـليله
يبوفيصل حنا شوتنا اللواهيب @@@ كــم لــيــلة جـتني بهمــوم ثــقيلــه
واليــوم حنـا فـعلنا التسابيـــب@@@ واللـــه يقـــدركم لـفعــل الـــجميـلــه
ويقول الشاعر / محمد السبيعي) ابو خالد)
كانك نصيت من الرجــاجيل رجــال@@@ فانص الرجال اللي تــذري وتــعني
انص الرجــال اللي لها صيتاً وشــان@@@ وتــقدر العــاني ولرضاه تعطــي
انص الرجال اللي ترحب وتشتال @@@تشتال من صعب الـحموله ماتـزري
راشد ولد خثلان من روس شجــعان@@@ من رأس خثلان السبيعي ونعمي
له وقفتــاً يشهد لها كــل من جـاه @@@ تشهـد له الشيبــان والشيــخ يــثني
ماقــفل الــمكتب عن اللــي تنصاه@@@ ولاقــدم أعـــذارة على شــان يــدري
كساب عــلم الـــطيب في كل من جاه @@@ مـــتعوداً مـن فــعل جــد وعــمي
أنا اشهد انه تفعل الــطيب يمناه @@@ صقراً طلع من واكــر الــطيب بــدري
أيواللــه أعزه واحبــه وبنخاه@@@غصباً على (.....الحساد) لو كـــان تــدري
وأخر كلامي لاشفت طلعت محياه @@@ بقــول اقبــل تحياتي ومليون شكري
ويقول الشاعر الشيخ /ظافرالقحطاني..
ياراشد ابزهمك وانخــاك حيثك تنخي@@@ من رجــال ترفع الراس الى طريتها
ياراشـد ياعــزوة ربعــه وياسعد الـخــوي@@@ شوقتني داركــم بعد ما مــريتها
من اهل الحريق اللي قـولهم قول وفـي@@@ بالكـرم والطــيب يبوفيصل عزيتها
والمراجـل عنــدكم حبـلها مايرتـخي@@@ والمـراجل ياراشــد بالــعزم جــريتــها
أعرف اللي يفعل الطيب رجــال صخي @@@ والمراجل يا ابو فيصل بنيتوا بيتها
كــل شيىء عرفتــه يروح ويــنتهي @@@كون فــعل الــطيب في ساعــة سويتها
مــازهمنا كود رجل له ضلع قــوي@@@وأنت راعــي المرجله وأنت قــايد صيتها
أزهم الطيب ولاأشرح ظروفي للردي@@@وأنت راعي الــطيب لـبديتها وانـهيتها
حــايل تطبخ والأخرى جعلتوها شوي@@@ يوم نــار الــمعركه مــاينطفي لــيتها
بطلب اللــه في النهاية وأصلي على النبي@@@ يالله إن تقبل صلاتي ليا صليتها
يقول الشاعر / حسن الدوسري......
ابو فيصل المنعور يمك نصيناك ****** حيثك شــجاع من سلالة قرومي
امعرب ساسك وجدك ومبناك ****** لا جاكم المحتاج تقضي اللزومي
تقضي لزوم اللي تعنى وينصاك ***** وابفعلك الطيب تزيل الهمومي
رفيق لنا بالطيب وبالطيب بنخاك *** وارفع لك البيضاء برأس الرجومي
ابشهد انه تفعل الطيب يمناك **** ورايــك سديد يـــاقوي العزومي
بشكي لمثلك وعلى الحر شرواك ***** انته من اللي يـــعرفون السلومي
تستاهل اللي تدعج العين تهواك *** خده كما البــراق يــزهى الرقومي
وسلامتكم .............