[خبرتو]

قصيدة في فحل الشيخ/ مفرج بن سعد بن مطلق بن شويه




سلامي على ذود هل العرف فيه تضيع = الا طبها راع النظر صابه أحراجي

مقيمه بعضها من بعض ماهي بتجميع = ولا لقطة من كل سوق ودواجــــي

بنات البعير اللي مسمى تمام سبيع = عليها رقاب أهل النظر غصب تنعاجي

بعير فريد الوصف والمستوى رفيع =عليه الهجار بخدته كنه ســـراجــــــي

بعير كمل بالوصف ماهوب بالتلميع =على زين شكله فارق بزين الانتاجي

بعير يحمل أسم عزيز على الجميع = ولارد عنه من تنــصاه محتــــاجـــــي

ترى من يظرب ناقته منه ذب الريع = يجي له حوار مع هل الذود ماداجي

ربط للزوم وقضيته ماعرض للبيع = عليه العرب لاجيت له مثل الافواجي

بعير لشيخ تفتخربه جميع سبيع = مفرج بن شويه له الطيب منــهاجــي


الشاعر: هاجد بن صنيدح السبيعي