[فهد ابو جنى]

رسالتهـــــــــــــــــا

أنا طول عمري رغبتـي خدمـة الثانيـن
هذي رغبتـي والنـاس كـلٍ ورغبتهـا
لهذا السبب يامعشـر النـاس يـا غاليـن
أبا اقـول جملـه يمكـن احـد بحاجتهـا
ابا اقولها يمكـن لهـا نـاس محتاجيـن
مفيده وكم من ناس فـى الوقـت فادتهـا
ابا اقولهـا وليـا طلبتـوا يانـاس يميـن
أبحلـف يميـن اثبـات منّـي لصحْتهـا
انا اخاف تقسـم سامعيهـا إلـى قسميـن
قسـم راح يلغيهـا ولآخــر بيثبتـهـا
عموماً هذا الجمله وهي داخـل القوسيـن
( كثير امثله معدوم فى الوقـت نفعتهـا )
فهم من فهم واللـي بعـد مافهـم ذلحيـن
يبـا يفهـم اللـي قبلـه النـاس فهمتهـا
الامثـال ورث امـوات للعالـم الحييـن
وعـن كثرهـا يكفـي يالاجـواد قلّتهـا

بعضها خطا واللـي يقولونهـا مخطيـن
ولا ادري من اين الناس يانـاس جابتهـا
خذوا هالمثل فيه أكثر النـاس منخدعيـن
وغيـره كثيـر أمثـال ياكبـر علتـهـا
يقولـون مايكمـل حـلا الزيـن كذابيـن
هذي كذبه وعندي مـا يكشـف حقيقتهـا
انا لي حبيبه فوق ما الله عطاهـا الزيـن
بالاخـلاق كمّـل يالاجـاويـد خلقتـهـا
نسبهـا يشرفـهـا ومتولّـعـه بالـديـن
ولكـن انـا يامـا جـرالـي بسبّتـهـا
هواها كتمته وسط قلبـي واخـاف يبيـن
أخاف انّـه اليـا بـان يزعـل سعادتهـا
كتمته سنين طوال فـي قلبـي المسكيـن
وفي كـل عـام تزيـد عنـدي غلاوتهـا
وحبٍ كتمته وسط قلبـي ظهـر بالعيـن
وكلمـه عجـزت اقولهـا العيـن قالتهـا
انا ادريبكم صرتوا مـع العلـم مندمجيـن
تبـا تعرفـون السالـفـه وش نهايتـهـا
لذا ما بجيـب الجيـم ولا تجيبـوا سيـن
أخاف اسئلتكـم تكثـر اتطـول اجابتهـا
خذوا رايي وخلّوكـم اسكـوت مستمعيـن
وابا اقـول كـل السالفـه مـن بدايتهـا
على رقم جوالي قبـل يمكـن اسبوعيـن
يجيني رسايل ما عـرف ويـش قصتهـا
وانا فى البدايه قلت يمكن مـن الفاضيـن
من العالم اللي شغـل الازعـاج شغلتهـا
وشفت الرسايل كثرث وطافت الخمسيـن
ونفسـي بـدت تحتـار وتزيـد حيرتهـا
ودقّيت ما احد رد وارسلت أبعرف ميـن
وجانـي رسالـه فينـي النـار شبّتـهـا
رساله بدت فيهـا بقولـة يـارب تعيـن
وخطّـت كـلامٍ هزّنـي فـي رسالتهـا
وقمت أشتغلها بالرسايـل وفـي يوميـن
مـن اسلوبهـا عرفـت وشهـي هويّتهـا
بعدهـا كتبتلهـا عرفتـك مـن تكونيـن
وخطّيـت اسمهـا واسـم الاب وقبيلتهـا
كتبت الرساله ومتوقّـع حـدوث أمريـن
إذا الروح ماجـا عزّهـا جـاي نكبتهـا
هنـا وقفـت القصّـه وتكميلهـا بعديـن
متى؟ وش مدخلْكـم ليـا جـات حزّتهـا
وذلحين انا ادري بعضكم لو معـه سكيـن
أضنّـه يورّدهـا وانـا اذوق طعنتـهـا
وعلى شان ما ابغاكم تروحون زعلانيـن
ولا ابغى البشر تلحـق سمـوّي بشرهتـا
أبكمّـل القصّـه ولكـن وصلنـا ويــن
وصلنا الرساله وش حصل بعد وصلتهـا
بعد ما الرساله وصلت إلـ(باشة ) الحلوين
على طول دقّت وبْعجل بعـد مـا جتهـا
وردّيـت قلـت ألـوه يامرحبـا واهليـن
ياكم من سنـه واذنـي تعطّـش لكلمتهـا
بدت بالعتاب وكـل قاسـي لابـد يليـن
وقامت تصيـح مـن السنيـن وقساوتهـا
وقالـت بقـول وقلـت وش ودّك تقوليـن
وصارت تسولـف عـن بدايـة محبّتهـا
وقالت ياغالي قبل يمكـن ثمـان سنيـن
عيونك قريت الحب فـي وسـط نظرتهـا
ومن يومهـا لليـوم وآنـا علـى ناريـن
وروحي عليك اليـوم الاشـواق ساقتهـا
وقلت اسمعـي يابنـت ياليتـك اتْعرفيـن
ياكم من سنـه روحـي محبّتـك عنّتهـا
انا مـن قبـل ثمانـك اهـواك ماتدريـن
ابا احسب سنين الحب ضيّعـت حسبتهـا
ثـلاث وثـلاث وقبلهـا يالغـلا ثنتـيـن
وخمـسٍ بعدهـا ياتـرى كـم نتيجتهـا
أقـول اتركيهـا ماهـو ابـلازم تعدّيـن
ولا لازم اتْعرْفـيـن يابـنـت عدّتـهـا
وقالت خلاص اسمع يافواز حظّـك شيـن
وسمّاعة الجـوال فـى الوجـه صكتّهـا
وفي وقتها فزّيت دمعـي علـى الخدّيـن
عيوني صحت ياناس مـن عـز نومتهـا
اثرنـي بحلـم ولاش لا شيـن ولا زيـن
لا محبوبتـي دقّـت ولا جـت رسالتهـا
الشاعر فواز الثبيتي