انا اشهد انه حط في القبر رجال
اجبر عزانا فيه ياعالم الغيب
امر الولي يحمد على كل الاحوال
ماعنه لا صده ولا عنه تجنيب
ياقبر شف من وقفوا قدر واجلال
تبكي على فرقاه كل الاصاحيب
ياقبر صرت لطيب الذكر منزال
اللي يقابلنا بكثر التراحيب
مرحوم ياساس المكارم والافعال
راس المراجل كلها والمواجيب
طلق الحجاج امعرب الجد والخال
خطل اليمين اللي يفك النواشيب
عز الله انك يافهد نادر اخصال
عز الرفيق ولا تعرف العذاريب
وانت بشبابك صرت مضرب للامثال
واشلون لو انه غشى راسك الشيب
من خلقتك ماتتبع القيل والقال
دايم وطلعك فوق روس المراقيب
ذكرك ينومسنا على مر الاجيال
مثل السنا واضح ولا يمكن يغيب
لك هامة ماهيب تقرب وتنطال
ولك فعل نفخر به بوسط الاجانيب
ماتنطح بالوجه تقفال الانذال
حقك علينا كلنا لاخر الصيب
مدري اعزي اسبيع في موت رجال
والا اعزي الناس في موقت الطيب
ويالله بامنزل تبارك والانفال
تجبر عزانا فيه ياعالم الغيب
الشاعز محمد المعيوف السبيعي